اعىمداعى جىلى ەلىمىزدىڭ اقتوبە، سولتۇستىك جانە شىعىس قازاقستان وبلىستارىندا كليماتتىق جاعدايلارعا بايلانىستى شالعىن كوبەلەگىنىڭ جاپپاي كوبەيۋ ءقاۋپى ءوسىپ وتىر، دەپ حابارلايدى almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
مينيسترلىك تاراپىنان وسى زياندى ورگانيزمنىڭ ناقتى تارالۋ ارەالىن انىقتاۋ ءۇشىن قاجەتتى فيتوسانيتاريالىق تەكسەرۋلەر جۇرگىزىلدى.
بۇگىنگى تاڭدا 306،59 مىڭ گا جەر زەرتتەلدى، جالپى تارالۋ اۋدانى 16،979 مىڭ گا قۇرايدى. ونىڭ ىشىندە اقتوبە وبلىسىندا تارالۋ اۋدانى 2،892 مىڭ گا قۇراپ وتىر. زيانكەستىڭ مەملەكەتتىك قورداعى جەرلەردىڭ ارام شوپتەرىندە، سونداي-اق ءداندى جانە مايلى داقىلدار ەگىستىكتەرىنىڭ بويىندا تارالۋى بايقالادى.
اۋىل شارۋاشىلىعى ءمينيسترىنىڭ مىندەتىن اتقارۋشى ە. قاراشوكەيەۆتىڭ تاپسىرماسى بويىنشا اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسى ا. مارس اقتوبە وبلىسىنا شالعىن كوبەلەگىنە قارسى كۇرەس جانە قورعاۋ شارالارىن جۇرگىزۋ بويىنشا جۇمىستاردى ۇيىمداستىرۋ جانە قاجەتتى باسقارۋشىلىق شەشىمدەر قابىلداۋ ءۇشىن ءىسساپارعا جىبەرىلدى.
ايتا كەتۋ كەرەك، اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا، اۋىل شارۋاشىلىعى تاۋارىن وندىرۋشىلەر مەن بيزنەس وكىلدەرىنىڭ باستامالارىنا سايكەس، 2020 جىلدان باستاپ شالعىن كوبەلەگىنە قارسى قورعاۋ شارالارىن جۇرگىزۋ جونىندەگى جاۋاپكەرشىلىك پەستيسيدتەر قۇنىنىڭ شىعىندارىن 50%-عا دەيىن وتەۋ ءۇشىن سۋبسيديالار بەرە وتىرىپ، جەرگىلىكتى اتقارۋشى ورگانداردىڭ قۇزىرەتىنەن، اۋىل شارۋاشىلىعى تاۋارىن وندىرۋشىلەردىڭ قۇزىرەتتەرىنە بەرىلگەن.
قازىرگى ۋاقىتتا اقتوبە وبلىسىنىڭ اكىمدىگى 2،2 مىڭ گا الاڭدا حيميالىق وڭدەۋ جۇرگىزۋگە قارجى بولگەن. قورعاۋ ءىس-شارالارىن جۇرگىزۋ تيىمدىلىگى جوعارى بۇرىككىش تەحنيكا-گاز گەنەراتورلارىن پايدالانۋ ارقىلى جۇزەگە اسىرىلادى.