دۇنيەنى دۇرلىكتىرگەن كوروناۆيرۋس

كۆي دەرتى جايلاعالى ءبىزدىڭ ەلدىڭ عانا ەمەس، دۇنيە ءجۇزىنىڭ مازاسى كەتكەنى راس. اۋرۋ جۇقتىرۋ، ۆاكسينا سالدىرۋ، ادام ءومىرى ءۇشىن كۇرەس – الەمنىڭ نازارىنداعى وزەكتى تاقىرىپ.

COVID-19 تارالۋىنا جول بەرمەۋ  جونىندەگى ۆاك تەلەگرام كانالى الەم ەلدەرىنىڭ كوۆيدتىك جاعدايىنا شولۋ جاسادى، دەپ حابارلايدى Almaty-akshamy.kz

بانگكوكتا COVID-19 ۆيرۋسى «دەلتا» شتامىنىڭ تارالۋىنا بايلانىستى كوروناۆيرۋسقا شالدىعۋشىلار سانى ارتىپ، توسەك-ورىن جەتىسپەۋشىلىگى ورىن الۋدا. تايلاند دەنساۋلىق ساقتاۋ مينيسترلىگىنىڭ مەديسينالىق قىزمەت كورسەتۋ دەپارتامەنتى ديرەكتورىنىڭ ايتۋىنشا، ءىرى اۋرۋحانالارداعى بارلىق ينتەنسيۆيتى تەراپيا بولىمشەلەرى ناۋقاستارعا لىق تولى.

فينليانديا بيلىگى 31 شىلدەدەن باستاپ قوعامدىق تاماقتانۋ ورىندارىنىڭ قىزمەتىنە كۇشەيتىلگەن شەكتەۋ ەنگىزۋدە. جۇمىس ۋاقىتى مەن الكوگولدى ساتۋ ۋاقىتىنا، سونىمەن قاتار ءۇي-جايعا كەلۋشىلەر سانىنا دا ءبىرقاتار شەكتەۋلەر بەلگىلەنۋدە.

تايلاندتا كوروناۆيرۋس جۇقتىرۋدىڭ كۇندەلىكتى ءوسىمى تىركەلدى – 17 669 جاعداي، سونداي-اق COVID-19 سالدارىنان قايتىس بولعانداردىڭ سانى 165-كە جەتىپ، انتيرەكوردتىق كورسەتكىش جاڭاردى.

سونىمەن قاتار توكيودا ءۇشىنشى كۇن قاتارىنان كوروناۆيرۋستىق ينفەكسيالاردىڭ تاۋلىكتىك كورسەتكىشى ءوستى، 3 865 جاعداي راستالدى.