ق ر ييدم ينكليۋزيامەن قالاي جۇمىس ىستەيدى؟

مينيسترلىك مۇمكىندىگى شەكتەۋلى ادامدار ءۇشىن قورشاعان ورتانىڭ كەدەرگىسىز بولۋىنا ەرەكشە كوڭىل بولەدى.

بۇل - ق ر ييدم باقىلاۋىندا تۇرعان ماڭىزدى مىندەتتەردىڭ ءبىرى، دەپ حابارلايدى Almaty-akshamy.kz اتالعان مينيسترلىكتىڭ تەلەگرام كانالىنا سىلتەمە جاساپ.

مينيسترلىك جوبالاۋ جانە قۇرىلىس، سونداي-اق قايتا جوسپارلاۋ كەزىندە مۇمكىندىگى شەكتەۋلى جاندار ءۇشىن قولايلى ورتا قۇرۋ باعىتىندا زاڭناماعا جانە قاجەتتى نورماتيۆتەرگە ءبىرقاتار وزگەرىستەر ەنگىزدى.

نورماتيۆتەر:

* ەلدى مەكەندەر قۇرىلىسىنا،

* تۇراقتارعا،

* جۇرگىنشىلەرگە ارنالعان جولدارعا،

* پاندۋستار مەن باسپالداقتاردى قوسا العاندا، كىرۋ توبىنا،

* ليفتتەرگە،

* وزگە دە كوتەرگىش قۇرىلعىلارعا، قۇرىلىس قىزمەتىنىڭ بارلىق كەزەڭىندە ورتاق پايدالانۋ ورىندارىنا قويىلاتىن تالاپتاردى بەلگىلەيدى.

2021-2023 جىلدارعا قاراي مۇگەدەك ادامدار ءۇشىن كولىك ينفراقۇرىلىمىندا 100% كەدەرگىسىز ورتا قامتاماسىز ەتىلەدى.

«تابالدىرىقتان - تابالدىرىققا» قاعيداسى.

قازاقستاندا «مۇگەدەك ادامداردى الەۋمەتتىك قورعاۋ» اقپاراتتىق پورتالى جۇمىس ىستەيدى (inva.gov.kz قول جەتىمدىلىك كارتاسى). ونى ق ر ەڭبەك جانە حالىقتى الەۋمەتتىك قورعاۋ مينيسترلىگى ازىرلەپ، جۇرگىزەدى.

پورتالدا ينتەراكتيۆتىك كارتادان قازاقستاننىڭ بارلىق وڭىرىندە ەرەكشە قاجەتتىلىكتەرى بار جاندار ءۇشىن وبەكتىلەردىڭ قولجەتىمدىلىگى تۋرالى اقپارات الۋعا بولادى. كارتاعا بارلىعى 35 مىڭنان استام نىسان ەنگىزىلگەن.

الەۋمەتتىك قورعاۋ ورگاندارى جەرگىلىكتى اتقارۋشى ورگاندارمەن بىرلەسىپ، مۇمكىندىگى شەكتەۋلى ادامدارعا ارنالعان 22 مىڭ الەۋمەتتىك-كولىك ينفراقۇرىلىمى نىساندارىن بەيىمدەۋ جۇمىستارىن جۇرگىزۋدە.

ق ر ييدم  «حالىقتىڭ قاۋقارى از توپتارى ءۇشىن قولجەتىمدىلىكتى ەسكەرە وتىرىپ، عيماراتتار مەن قۇرىلىستاردى جوبالاۋ» 3.06-101-2012 تالاپتارىنا سايكەس، وسى نىسانداردى ارالاۋ كەزىندە مونيتورينگتىك توپتارعا ءوز ۇسىنىمدارىن بەرەدى.