مەملەكەتتىك قولداۋدىڭ بۇل شاراسى قازاقستان بالالارىنا 5 جاستان باستاپ 18 جاسقا تولعانعا دەيىن ەلدە جانە شەتەلدە ءبىلىم بەرۋ قىزمەتتەرىنە، سونىڭ ىشىندە جوعارى، سونداي-اق تەحنيكالىق جانە كاسىپتىك ءبىلىم بەرۋ قىزمەتتەرىنە اقى تولەۋ ءۇشىن قارجى قاراجاتىن تۇراقتى جيناقتاۋ ماقساتىنا ارنالعان.
«كەلەشەك» جۇيەسىنە قاتىسۋ ءۇشىن اتا-انالار مەملەكەتتىك ءبىلىم بەرۋ جيناقتاۋ جۇيەسىنىڭ قاتىسۋشىلارى بولىپ تابىلاتىن ەكىنشى دەڭگەيدەگى بانكتەردە جانە ساقتاندىرۋ كومپانيالارىندا شوت اشۋى قاجەت، وندا اعىمداعى كۇنتىزبەلىك جىلى 5 جاسقا تولعان بالالارعا 60 اەك (2025 جىلى 235 920 تەڭگەنى قۇرايدى) جانە جەتىم بالالار ءۇشىن 120 اەك (471 840 تەڭگە) مولشەرىندە باستاپقى ءبىلىم بەرۋ كاپيتالى، 5-7% مولشەرىندە مەملەكەتتىك سىيلىقاقىنىڭ جىل سايىنعى تولەمى جانە ينۆەستيسيالىق تابىس ەسەپتەلەتىن بولادى.
«كەلەشەك» جۇيەسىنىڭ شارتى – اتا-انالار كەمىندە 12 اەك مولشەرىندە جىل سايىنعى مىندەتتى ەڭ تومەنگى جارنانى تولەۋى ءتيىس.
شوتتاردى قازاقستاننىڭ دەپوزيتتەرگە كەپىلدىك بەرۋ قورى، ال ساقتاندىرۋ تولەمدەرىنىڭ سوماسىن ساقتاندىرۋ تولەمدەرىنە كەپىلدىك بەرۋ قورى ساقتاندىرادى.
مەملەكەتتىك ءبىلىم بەرۋ گرانتىن العان جاعدايدا قاراجاتتى جوعارى وقۋ ورنىنان كەيىنگى ءبىلىم الۋعا پايدالانۋعا بولادى.
سونىمەن قاتار، جيناقتالعان قاراجاتتى تۇرعىن ءۇي جاعدايىن جاقسارتۋعا باعىتتاۋعا جانە قاجەت بولعان جاعدايدا ءۇشىنشى تۇلعالارعا بەرۋگە بولادى.
مەملەكەت جوو ستۋدەنتتەرى ءۇشىن ستيپەنديالاردى ۇلعايتۋ بويىنشا جوسپارلى جۇمىستى جالعاستىرۋدا.
2025 جىلى جوو جانە كوللەدج ستۋدەنتتەرى ءۇشىن ستيپەنديا 2 ەسە، ماگيسترانتتار مەن دوكتورانتتار ءۇشىن 1،75 ەسە ارتادى.
2025 جىلعى 1 قىركۇيەكتەن باستاپ باكالاۆريات ستۋدەنتتەرىنە ستيپەنديا 52 372 تەڭگەگە دەيىن، ال پەداگوگيكالىق جانە مەديسينالىق باعىتتارداعى ءبىلىم الۋشىلارعا – 84 000 تەڭگەگە دەيىن، ماگيسترانتتارعا – 117 098 تەڭگەگە، دوكتورانتتارعا – 262 500 تەڭگەگە دەيىن وسەدى.
ينتەرناتۋرادا وقيتىن ستۋدەنتتەرگە ستيپەنديا – 94 862 تەڭگە، ال رەزيدەنتۋرادا – 134 664 تەڭگە كولەمىندە تولەنەتىن بولادى.
ەمتيحان سەسسياسىن «وتە جاقسى» تاپسىرعان جاعدايدا ستۋدەنتتەردىڭ جوعارى ستيپەنديا الۋ مۇمكىندىگى ساقتالادى.
ستۋدەنتتەردىڭ جەكەلەگەن ساناتتارى ءۇشىن ستيپەندياعا ۇستەمەاقى بەلگىلەندى. ولارعا مىنالار قۇقىلى:
جوعارى نەمەسە كاسىپتىك، ورتا بىلىمنەن كەيىنگى، جوعارى وقۋ ورنىنان كەيىنگى ءبىلىم الاتىن كورۋ جانە ەستۋ قابىلەتى بۇزىلعان ادامدارعا باكالاۆريات ستۋدەنتتەرىنە – 94 651 تەڭگە، ماگيسترانتتارعا – 204 921 تەڭگە، دوكتورانتتارعا – 459 375 تەڭگە ۇستەمەاقى بەلگىلەندى.
جارالانۋ، كونتۋزيا، اۋرۋ سالدارىنان مۇگەدەكتىگى بار نەمەسە مەرتىككەن ادامدارعا باكالاۆريات ستۋدەنتتەرىنە – 78 558 تەڭگە، ماگيسترانتتارعا – 175 647 تەڭگە، ينتەرندەرگە – 142 293 تەڭگە ۇستەمەاقى بەلگىلەندى.
اتا-اناسىنىڭ قامقورلىعىنسىز قالعان نەمەسە قورعانشىلىقتاعى (قامقورشىلىقتاعى) جەتىم بالالار قاتارىنداعى ادامدارعا ستيپەنديا 30%-عا كوتەرىلەدى، ياعني باكالاۆريات ستۋدەنتتەرىنە – 68 083 تەڭگە، ماگيسترانتتارعا – 152 227 تەڭگە، ينتەرندەرگە – 123 320 تەڭگە ۇستەمەاقى بەلگىلەندى.
مەملەكەتتىك ستيپەنديادان باسقا، جوعارى وقۋ ورنىنىڭ عىلىمي كەڭەسىنىڭ شەشىمى بويىنشا 104 744 تەڭگە مولشەرىندە تاعايىندالاتىن وقۋدا ەرەكشەلەنگەن ستۋدەنتتەرگە، وليمپيادالاردىڭ، شىعارماشىلىق كونكۋرستاردىڭ، سپورتتىق جارىستاردىڭ جەڭىمپازدارىنا ارنالعان پرەزيدەنتتىك ستيپەنديا بار.
پرەزيدەنتتىك ستيپەنديانى 3ء-شى وقۋ جىلىنان باستاپ ستۋدەنتتەر جانە 2ء-شى وقۋ جىلىنان باستاپ ماگيسترانتتار الا الادى. مۇنداي ستيپەندياعا بيۋدجەتتىك نەگىزدە وقيتىن ستۋدەنتتەر دە، اقىلى نەگىزدە وقيتىندار دا قۇقىلى.
ستۋدەنتتەرگە ارنالعان جاڭا جاتاقحانالار سالۋ
2029 جىلعا دەيىن جاتاقحانالاردا جىل سايىن 10 مىڭ ورىندى پايدالانۋعا بەرۋ كوزدەلگەن.
2024 جىلدىڭ قورىتىندىسى بويىنشا ەلىمىزدە 11 096 ورىن پايدالانۋعا بەرىلدى.
استانا جانە الماتى قالالارىندا جاتاقحانالاردا ورىنداردى ۋاقتىلى الۋ بويىنشا ەل ستۋدەنتتەرىنە كونسۋلتاسيالىق قىزمەتتەر كورسەتەتىن جوبالىق فرونت-وفيستەر جۇمىس ىستەيدى.
2024 جىلى جاتاقحانالار سالۋ بويىنشا مەملەكەتتىك تاپسىرىستىڭ مولشەرى الماتى قالاسىندا 144 اەك-تەن 230 اەك-كە دەيىن، استانا قالاسىن قوسا العاندا، ەلدىڭ باسقا وڭىرلەرىندە 122 اەك-تەن 195 اەك-كە دەيىن ۇلعايتىلدى.
سونداي-اق، جاتاقحاناعا وبەكتىلەردى رەكونسترۋكسيالاعانى ءۇشىن وتەماقى مولشەرى 92 اەك-تەن 182 اەك-كە دەيىن ۇلعايتىلدى.
قۇرىلىس سالۋشىعا مەملەكەت تاراپىنان ينۆەستيسيالىق شىعىستاردى كەزەڭ-كەزەڭىمەن وتەۋدى جانە كاسىپكەرلىك سۋبەكتىلەرىنىڭ جاتاقحانالاردى سالۋعا جانە رەكونسترۋكسيالاۋعا كەڭىنەن قاتىسۋىن قامتيتىن جاڭا جاتاقحانالار سالۋ بويىنشا مەملەكەتتىك-جەكەشەلىك ارىپتەستىك (ءمجا) تەتىگى ازىرلەندى.
2025 جىلى جەتىم بالالار مەن اتا-اناسىنىڭ قامقورلىعىنسىز قالعان بالالارعا، سونداي-اق كامەلەتكە تولعانعا دەيىن اتا-اناسىنان ايىرىلعان نەمەسە قامقورلىعىنسىز قالعان جاستارعا جانە 1 جانە 2-توپتاعى مۇگەدەك ادامدارعا، بالا كەزىنەن مۇگەدەك ادامدارعا، مۇگەدەك بالالارعا وقۋ كەزەڭىندە جوو جاتاقحانالارىندا تۇرعانى ءۇشىن 100 050 تەڭگە مولشەرىندە وتەماقى تولەۋ جالعاستىرىلادى.