مەملەكەت باسشىسىنىڭ تاپسىرماسىنا سايكەس جاس عالىمداردىڭ الەۋمەتتىك مارتەبەسىن كوتەرۋ جانە قولداۋ ماقساتىندا الماتىلىق عالىمدارعا تۇرعىن ءۇي سەرتيفيكاتتارى تابىستالدى، دەپ حابارلايدى aqshamnews.kz
جاڭا پاتەر يەسى اتانعاندار قاتارىندا تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ عالىم حاتشىسى نارتاي ساعىمبەك ۇلى بەكمولدينوۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ وقىتۋشىسى گۇلىستان بيسەنباي قىزى ەلۋباي، جازكەن جيەمبايەۆ اتىنداعى قازاق وسىمدىك قورعاۋ جانە كارانتين عىلىمي-زەرتتەۋ ينستيتۋتىنىڭ عىلىمي قىزمەتكەرى بالجان جاسۇلان قىزى نايمانوۆا، ءال-فارابي اتىنداعى قازاق ۇلتتىق ۋنيۆەرسيتەتىنىڭ اعا وقىتۋشىسى ايجان ولجابەك قىزى نۇعىمانوۆا بار.
سۇحبات بارىسىندا كوپتەن كۇتكەن جاڭا پاتەر سەرتيفيكاتىن العان جاس عالىمدار ەلىمىزدەگى عىلىمي زەرتتەۋلەر مەن يننوۆاسيالىق جوبالاردى جۇزەگە اسىرۋعا كورسەتىلىپ جاتقان قولداۋلاردىڭ ارتىپ جاتقانىن قۋانىشپەن اتاپ ءوتتى.