جوعارى ءبىلىمدى الماتى قالاسىنداعى ساعادات نۇرماعامبەتوۆ اتىنداعى قۇرلىق اسكەرلەرى اسكەري ينستيتۋتىندا، اقتوبە قالاسىنداعى تالعات بيگەلدينوۆ اتىنداعى اۋە قورعانىس كۇشتەرى اسكەري ينستيتۋتىندا جانە الماتى قالاسىنداعى راديوەلەكترونيكا جانە بايلانىس اسكەري-ينجەنەرلىك ينستيتۋتىندا الۋعا بولادى، دەپ حابارلايدى aqshamnews.kz
جوعارى وقۋ ورنىنان كەيىنگى ءبىلىم - استاناداعى ۇلتتىق قورعانىس ۋنيۆەرسيتەتىندە جىل سايىن 1000-نان استام ادامنىڭ بىلىكتىلىگىن ارتتىرۋدى جۇرگىزەدى. تەحنيكالىق جانە كاسىپتىك ءبىلىم بەرۋدى استانا، ششۋچينسك جانە شىمكەنتتەگى ءۇش اسكەري كوللەدج ۇسىنادى.
كوللەدجدەردە موتواتقىشتار، تانك، ارتيللەريا جانە ينجەنەرلىك بولىمشەلەر، بايلانىس اسكەرلەرى، قارۋ-جاراق پەن اسكەري تەحنيكانى پايدالانۋ جانە جوندەۋ بولىمشەلەرى ءۇشىن كاسىبي سەرجانتتار وقىتىلادى.
«سونىمەن قاتار قورعانىس مينيسترلىگى «جاس ۇلان» رەسپۋبليكالىق مەكتەپتەرىنىڭ بازاسىندا تاعى ەكى اسكەري كوللەدج – الماتىداعى باۋىرجان مومىش ۇلى اتىنداعى اسكەري-سپورت كوللەدجى مەن قاراعاندىداعى تالعات بيگەلدينوۆ اتىنداعى اسكەري كوللەدجىن اشۋ بويىنشا جۇمىس جۇرگىزۋدە. بيىل اتالعان اسكەري كوللەدجدەرگە نەگىزگى ورتا ءبىلىم بەرۋ بازاسىندا العاشقى قابىلداۋ وتكىزىلەدى»،-دەدى ق ر قم اسكەري ءبىلىم جانە عىلىم دەپارتامەنتىنىڭ باستىعى پولكوۆنيك مۇرات ولجابايەۆ وكق-دا وتكەن باسپا ءسوز