مەملەكەت باسشىسى ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆتى قابىلدادى

پرەزيدەنت ءبىرقاتار ناقتى تاپسىرما بەردى.

قاسىم-جومارت توقايەۆقا ۇلتتىق قاۋىپسىزدىك كوميتەتىنىڭ قىزمەتىن رەفورمالاۋ، ۇلتتىق قاۋىپسىزدىك ورگاندارى جۇمىسىنىڭ نەگىزگى جەتىستىكتەرى مەن الداعى مىندەتتەرى تۋرالى باياندالدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.

ەرمەك ساعىمبايەۆ قازىرگى ۋاقىتتا ۇقك-نىڭ قۇزىرەتى اياسىندا بيلىكتى كۇشپەن باسىپ الۋ، تەررورلىق اكتىلەر، جاپپاي تارتىپسىزدىك پەن باسقا دا قىلمىستارعا قاتىستى 27 قىلمىستىق ءىس بويىنشا تەرگەۋ جۇمىستارى جۇرگىزىلىپ جاتقانىن مالىمدەدى. وسى قىلمىستىق ىستەر بويىنشا 24 ادام قاماۋدا وتىر. ونىڭ 14ء-ى – دەسترۋكتيۆتى ءدىني اعىم وكىلدەرى.

حالىقارالىق ەسىرتكى بيزنەسىنە قارسى كۇرەس اياسىندا الماتى قالاسىندا تمد ەلدەرىنە ەسىرتكى تاسىمالدايتىن ءوز «ماينينگ-فەرماسى» بار ءىرى ەسىرتكى لابوراتورياسى جويىلدى. قۇنى 3،7 ميلليارد تەڭگە بولاتىن 188 كەلى مەفەدرون جانە 57 ميلليون تەڭگە تاركىلەندى.

 ۇقك شەكارا قىزمەتى مەملەكەتتىك شەكارانى كۇزەتۋ جۇمىستارىن كۇشەيتىپ جاتىر. قاڭتار-اقپان ايلارىندا 2133 قۇقىقبۇزۋشى مەن 22 سۋ كولىگى ۇستالعان.

كەزدەسۋ قورىتىندىسى بويىنشا مەملەكەت باسشىسى ۇقك ورگاندارىنىڭ جۇمىسىن جەتىلدىرۋ جونىندە ءبىرقاتار ناقتى تاپسىرما بەردى.