ءبارى دە ايتىلادى.
حالىقتان ەشتەڭەنى جاسىرىپ قالمايمىز. بۇل تۋرالى «Qazaqstan» تەلەارناسىنا سۇحبات بەرگەن ق ر پرەزيدەنتى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءقازىر وتە اۋقىمدى تەرگەۋ جۇمىستارى جۇرگىزىلۋدە. باس پروكۋراتۋرا ناقتى اقپاراتتى جۇيەلى تۇردە جاريالاپ جاتىر. قانداي دا ناتيجە تۋرالى ايتۋعا ءالى ەرتە. بۇل – وتە كۇردەلى ماسەلە. ءقازىر تەرگەۋ قۇپيا تۇردە جۇرگىزىلىپ جاتىر. ويتكەنى، بۇل وتە ەرەكشە ءىس بولعاندىقتان، ءبىراز ۋاقىت كەرەك. كوپ ۇزاماي حالقىمىزدى مازالاپ وتىرعان سۇراقتارعا مىندەتتى تۇردە جاۋاپ بەرىلەدى. ءبارى دە ايتىلادى. حالىقتان ەشتەڭەنى جاسىرىپ قالمايمىز. ءقازىر تەك مىنا نارسەنى عانا ايتا الامىن. بۇل ءبىزدىڭ حالقىمىزدىڭ قاۋىپسىزدىگىنە، ەلىمىزدىڭ تۇتاستىعىنا تونگەن ءقاۋىپ بولدى»، - دەدى قاسىم-جومارت توقايەۆ.