پرەزيدەنت تاپسىرمالارىنىڭ ورىندالۋ بارىسى جونىندە باياندادى.
قاسىم-جومارت توقايەۆقا مينيسترلىكتىڭ بيىلعى اتقاراتىن نەگىزگى مىندەتتەرى، سونداي-اق پاندەميادان كەيىنگى كەزەڭدەگى ەكونوميكانى دامىتۋعا كوشۋ شارالارى جونىندە جانە ونىڭ سىرتقى سىن-تەگەۋرىندەرگە توتەپ بەرۋىنە قاتىستى اقپارات بەرىلدى، دەپ حابارلايدى Almaty-akshamy.kz اقورداعا سىلتەمە جاساپ.
الىبەك قۋانتىروۆ پرەزيدەنت تاپسىرمالارىنىڭ ورىندالۋ بارىسى جونىندە باياندادى. اتاپ ايتقاندا، حالىقتىڭ تابىسىن ارتتىرۋ باعدارلاماسى مەن ينفلياسيانى باقىلاۋ جانە تومەندەتۋ جونىندەگى كەشەندى شارالاردىڭ جۇزەگە اسىرىلۋى تۋرالى ءسوز بولدى.
مەملەكەت باسشىسى قازاقستان حالقىنا جولداۋى اياسىندا ەلىمىزدىڭ اكىمشىلىك-اۋماقتىق قۇرىلىمىن وزگەرتۋ جونىندە ناقتى مىندەت جۇكتەدى. قازىرگى ۋاقىتتا كوميسسيا جاساقتالىپ، جاڭا وبلىستاردى قۇرۋ جۇمىستارىنىڭ الگوريتمى ازىرلەندى.
كەزدەسۋ قورىتىندىسى بويىنشا قاسىم-جومارت توقايەۆ ماكروەكونوميكالىق تۇراقتىلىقتى قامتاماسىز ەتۋ، ەكونوميكانى ءارتاراپتاندىرۋ جانە جاڭا جۇمىس ورىندارىن اشۋ، ەكونوميكاداعى مەملەكەتتىڭ ۇلەسىن ازايتۋ، سونداي-اق تۇرعىندار مەن كاسىپكەرلەرگە قولداۋ كورسەتۋ جونىندە ءبىرقاتار تاپسىرما بەردى.