مەملەكەت باسشىسى Draper Fisher Jurvetson كومپانياسىنىڭ تەڭ قۇرىلتايشىسى جانە درەيپەر ۋنيۆەرسيتەتىنىڭ نەگىزىن قالاۋشى تيم درەيپەرمەن كەزدەستى، دەپ حابارلايدى اlmaty-akshamy.kz.
پرەزيدەنت Digital Bridge حالىقارالىق فورۋمىنا بەلسەندى قاتىسقانى جانە مازمۇندى بايانداما جاساعانى ءۇشىن تيم درەيپەرگە العىس ايتتى. مەملەكەت باسشىسى تانىمال Meet the Drapers رەاليتي-شوۋىنىڭ ءبىر ەپيزودىن قازاقستاندا ءتۇسىرۋ تۋرالى باستامانى قۇپتادى.
كەزدەسۋ بارىسىندا ۆەنچۋرلىق كاپيتال مەن ستارتاپتار يندۋسترياسىن دامىتۋ ماسەلەلەرى، سونداي-اق الداعى جوسپارلار مەن ىنتىماقتاستىقتىڭ پەرسپەكتيۆتى باعىتتارى تالقىلاندى.
تيم درەيپەر ءوز كومپانياسىنىڭ ۆەنچۋرلىق كاپيتالدى دامىتۋدا باي تاجىريبەسى بار ەكەنىن اتاپ ءوتتى. سونداي-اق Draper Fisher Jurvetson كومپانياسى ورتالىق ازيا وڭىرىنە، اتاپ ايتقاندا، قازاقستان نارىعىنا زور قىزىعۋشىلىق تانىتىپ وتىرعانىن جەتكىزدى.
قاسىم-جومارت توقايەۆ ۆەنچۋرلىق كاپيتال نارىعىن قۇرۋ ءۇشىن قازاقستاندا بەرىك ينستيتۋسيونالدىق، قۇقىقتىق جانە قارجىلىق نەگىز قالانىپ جاتقانىنا نازار اۋداردى. ەلىمىز Draper Fisher Jurvetson سەكىلدى حالىقارالىق ۆەنچۋرلىق قورلاردىڭ قازاقستان نارىعىنا كەلۋىنە كەڭ جول اشادى.