پرەزيدەنت ەلىمىزدە TikTok پلاتفورماسىنىڭ تانىمالدىلىعى ارتىپ كەلە جاتقانىن اتاپ ءوتتى. ءقازىر وعان 10 ميلليوننان استام قازاقستاندىق تىركەلگەن.
بەينەكونتەنت جاساۋعا جانە قاراۋعا ارنالعان الەمگە تانىمال سەرۆيس العاشقىلاردىڭ ءبىرى بولىپ قوسىمشا ينتەرفەيسىن قازاق تىلىنە اۋداردى. سونداي-اق كيبەربۋللينگتىڭ الدىن الۋ ماسەلەلەرى بويىنشا ۋاكىلىن تاعايىندادى، دەپ حابارلايدى اlmaty-akshamy.kz.
ءوز كەزەگىندە چجوۋ شوۋسزى Astana Hub حالىقارالىق تەحنوپاركىمەن بىرلەسىپ، TikTok StartUp Academy جوباسىن – قازاقستاندىق ستارتاپتارعا ارنالعان ەكسكليۋزيۆتى ءبىلىم بەرۋ باعدارلاماسىن جۇزەگە اسىرىپ جاتقانى تۋرالى باياندادى. بۇدان بولەك، سەرىكتەستىك اياسىندا TikTok Startup Valley بايقاۋى وتكىزىلدى. ناتيجەسىندە 200-دەن استام ستارتاپ ءوز ونىمدەرىن TikTok ارقىلى جارنامالاۋ ادىستەرىن ۇيرەتۋ كۋرسىنان ءوتتى.
كەزدەسۋ بارىسىندا كرەاتيۆتى يندۋستريا سالاسىنداعى ىنتىماقتاستىق، جاساندى ينتەللەكت بويىنشا زەرتتەۋ جۇرگىزۋ، ەلەكتروندى ساۋدانى دامىتۋ، سونداي-اق TikTok پلاتفورماسى ارقىلى قازاقستاننىڭ مادەنيەتى مەن تۋريستىك مۇمكىندىكتەرىن جاھاندىق دەڭگەيدە ناسيحاتتاۋ ماسەلەلەرى قاراستىرىلدى.