«وكم وپەراتورى» ج ش س باسقارما ءتوراعاسى مەدەت قۇمارعالييەۆ پارا الدى دەگەن كۇدىكپەن تۇتقىندالدى، دەپ حابارلايدى اlmaty-akshamy.kz
بۇل اقپاراتتى سىبايلاس جەمقورلىققا قارسى كۇرەس اگەنتتىگى راستادى. ءقازىر ول ەلورداداعى تەرگەۋ يزولياتورلارىنىڭ بىرىنە قامالدى. ودان بولەك، ەكولوگيا، گەولوگيا جانە تابيعي رەسۋرستار ءمينيسترىنىڭ ورىنباسارى بولعان احمەتجان ءپىرىمقۇلوۆ تا ۇستالعان.
كەيبىر دەرەكتەردە ولاردىڭ ەلدەن قاشپاق بولعانى ايتىلادى. ءبىراق اگەنتتىك قىزمەتكەرلەرى بۇل مالىمەتتى راستامادى. ال «وكم وپەراتورى» ءجشس-نىڭ كۇماندى قىزمەتىن مەملەكەت باسشىسى دا سىنعا العان.
جەكەمەنشىك مەكەمە كەيىنگى جىلدارى شەتەلدەن كولىك ساتىپ اكەلگەن جۇرتقا سول كولىكتىڭ باعاسىنا جەتەعابىل سالىق سالىپ، حالىقتىڭ اشۋ-ىزاسىن تۋدىرعان ەدى.