مەملەكەت باسشىسى باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى مارات وماروۆتى قابىلدادى
پرەزيدەنتكە اگەنتتىكتىڭ باقىلاۋ فۋنكسيالارىن ورىنداۋ بارىسى، ونىڭ ىشىندە ەكونوميكانى مونوپوليادان ارىلتۋ جونىندەگى قۇقىق قورعاۋ ورگاندارىمەن بىرلەسكەن جۇمىستارى تۋرالى ەسەپ بەرىلدى، دەپ حابارلايدى almaty-akshamy.kz
قاسىم-جومارت توقايەۆقا مونوپولياعا قارسى شارالار اياسىندا اتقارىلعان جۇمىستار تۋرالى باياندالدى. ورىندالعان ۇيعارىمداردىڭ ۇلەسى 90،3 پايىزعا جەتتى.
سونىمەن قاتار مارات وماروۆ اگەنتتىكتىڭ باسەكەلەستىكتى دامىتۋ جونىندەگى 2024 جىلعا ارنالعان جوسپارى جايىندا ايتتى.
اگەنتتىك ءتوراعاسىنىڭ ايتۋىنشا، بۇگىندە باسەكەلەستىكتىڭ جاي-كۇيىن تالداۋ ءۇشىن اقپاراتتىق-ساراپتامالىق جۇيە ازىرلەنىپ، ىسكە قوسىلعان، مەملەكەتتىك قىزمەتتەر سيفرلاندىرىلعان. باسەكەلەستىكتى قورعاۋ جانە دامىتۋ اگەنتتىگىنىڭ اقپاراتتىق جۇيەسى، ياعني دەرەكتەر بازاسى ازىرلەنىپ جاتىر. كارتەلدىك ءسوز بايلاسۋ فاكتىلەرىن انىقتاۋ ماقساتىندا جاساندى ينتەللەكت ەلەمەنتتەرى ەنگىزىلەدى.
كەزدەسۋ سوڭىندا قاسىم-جومارت توقايەۆ مارات وماروۆقا ەكونوميكانىڭ نەگىزگى سەكتورلارىندا باسەكەلەستىكتى دامىتۋعا، ۆەدومستۆونىڭ جۇرگىزىپ جاتقان تەكسەرۋ جۇمىستارىنا، سونداي-اق شاعىن جانە ورتا بيزنەستى قورعاۋعا ءارى وركەندەتۋگە قاتىستى ءبىرقاتار تاپسىرما بەردى.