قاسىم-جومارت توقايەۆ قاڭتار وقيعاسى كەزىندە بۇزاقىلاردىڭ شابۋىلىنا ۇشىراعان الماتىداعى «Asia Park» ساۋدا ويىن-ساۋىق ورتالىعىنا باردى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
پرەزيدەنتكە زارداپ شەككەن كاسىپكەرلەر تاراپىنان تۇسكەن وتىنىشتەردىڭ ءبارى قاراستىرىلىپ جاتقانى تۋرالى مالىمەت بەرىلدى. جەرگىلىكتى اكىمدىكتىڭ اقپاراتىنا سايكەس، ءقازىر بارلىعى 1 236 ءوتىنىش قولداۋ تاپقان. جالپى 6،191 ملرد تەڭگە كومەككە ءبولىندى. سونىمەن قاتار جۋىق ارادا شىعىن كولەمى شامامەن 20 ميلليارد تەڭگە بولاتىن تاعى 170-كە جۋىق ءوتىنىش قارالاتىنى ايتىلدى.
بۇدان كەيىن قاسىم-جومارت توقايەۆ زارداپ شەككەن ورتا جانە شاعىن بيزنەس وكىلدەرىمەن كەزدەستى. مەملەكەت تاراپىنان شىعىنى وتەلگەن جەكە كاسىپكەرلەر قولداۋ كورسەتكەنى ءۇشىن قاسىم-جومارت توقايەۆقا العىس ايتتى.
پرەزيدەنت شاعىن جانە ورتا بيزنەسكە قولداۋ جالعاساتىنىن، زارداپ شەككەندەردىڭ شىعىنى وتەلەتىنىن جەتكىزدى.
مەملەكەت باسشىسى كاسىپكەرلەرمەن كەزدەسۋدەن كەيىن نىسانداعى قالپىنا كەلتىرىلگەن ساۋدا نۇكتەلەرىن ارالادى.