ونەر سالاسىنداعى تانىمال تۇلعالار مەن جۇلدىزدار قازاق كۇرەسىنەن ءوزارا مىقتىنى انىقتايدى
ۇلىستىڭ ۇلى كۇنى «حابار» تەلەارناسىندا ۇلتتىق ونەر دارىپتەلەدى، دەپ حابارلايدى Almaty-akshamy.kz «حابار 24»-كە سىلتەمە جاساپ.
ناقتىراق ايتساق، ەرتەڭ ونەر سالاسىنداعى تانىمال تۇلعالار مەن جۇلدىزدار قازاق كۇرەسىنەن ءوزارا مىقتىنى انىقتايدى. بەسىنشى رەت ۇيىمداستىرىلعان باسەكەگە وسى جولى 20 بالۋان ىرىكتەلگەن. ولار بەس سالماق دارەجەسى بويىنشا سىنعا تۇسەدى. بيىل العاش رەت تۇيە بالۋاندار انىقتالماق. «ونەر بارىسى» جوباسى «حابار» ارناسىندا 22 ناۋرىز كۇنى 13:00 دە باستالادى. ايدانا ايتباي، «حابار» تەلەارناسىنىڭ پروديۋسەرى: - تاعى دا ءبىر ەرەكشەلىگى، رەسەيلىك «كاميزياكي» كومانداسىنىڭ مۇشەسى قاتىسادى. باس جۇلدەگە ول كىسى دە تالاسادى. ياعني گەوگرافيالىق اۋقىمى كەڭىدى دەپ ايتساق بولادى. ودان بولەك، «ونەر بارىسى» وزدەرىڭىز بىلەسىزدەر، بەس ساعات بويى تىكەلەي ەفيردە كورەرمەنىن قۋانتىپ، بۇل جەردە وتاندىق ونەر جۇلدىزدار دا ونەر كورسەتەدى. ءدال سول كۇنى «حابار» ارناسىن قوسىڭىزدار.