9 ايدا شامامەن حالىقتىڭ 40 پايىزى ەكپە العان.
قاسىم-جومارت توقايەۆ كوروناۆيرۋسقا قارسى ريەۆاكسيناسياعا كىرىسۋدى تاپسىردى، دەپ حابارلايدى Almaty-akshamy.kz
ۇكىمەت پەن اكىمدەر حالىقتى ريەۆاكسيناسيالاۋ ناۋقانىنا كىرىسۋى قاجەت. بۇل تۋرالى مەملەكەت باسشىسى قاسىم-جومارت توقايەۆ ايتتى.
«ەپيدەميولوگيالىق احۋال تۇراقسىز بولىپ قالۋدا. كۇن سايىن 30-عا دەيىن ءولىم-جىتىم تىركەلەدى. مۇنىڭ بارلىعى ۆاكسيناسيا قارقىنىنىڭ تومەندەۋى اياسىندا ورىن الىپ جاتىر. 9 ايدا حالىقتى قامتۋ شامامەن 40 پايىز بولدى»، - دەدى قاسىم-جومارت توقايەۆ ەكىباستۇزدا ءوتىپ جاتقان مونوقالالاردى دامىتۋ ماسەلەلەرىنە ارنالعان جينالىستا.
اقوردانىڭ Twitter-دەگى مالىمەتىنە سايكەس، پرەزيدەنت ەلدەردىڭ باسىم بولىگى حالىقتى ريەۆاكسينالاۋعا كوشكەنىپ اتاپ ءوتتى.
«قارقىندى ناۋقاندى ناۋرىز ايىندا باستاعانىمىزدى ەسكەرەر بولساق، بىزگە دە ريەۆاكسيناسيا ۋاقىتى جەتتى. ۇكىمەت پەن اكىمدەر حالىقتى ريەۆاكسيناسيالاۋ ناۋقانىنا كىرىسۋى قاجەت»، - دەدى مەملەكەت باسشىسى.