جوعارى وقۋ ورىندارىنىڭ 19 ديسسەرتاسيالىق كەڭەسى بەلگىلەنگەن تالاپتاردى ساقتاماعاندىقتان 2021 جىلى ءوز قىزمەتىن توقتاتتى، دەپ حابارلايدى almaty-akshamy.kz ق ر بعم باسپا ءسوز قىزمەتىنە سىلتەمە جاساپ.
قازىرگى ۋاقىتتا ۋنيۆەرسيتەتتەردە تاعى 13 ديسسەرتاسيالىق كەڭەس جابىلۋ الدىندا تۇر. قىركۇيەكتە ءبىلىم جانە عىلىم سالاسىندا ساپانى قامتاماسىز ەتۋ كوميتەتى ديسسەرتاسيالىق كەڭەستەردىڭ جۇمىسىنا وسى جىلدىڭ ناۋرىز ايىندا بەكىتىلگەن جاڭا فورمات بويىنشا تالداۋ جۇرگىزدى.
تەكسەرۋ بارىسىندا كەيبىر جوعارى وقۋ ورىندارىنىڭ ديسسەرتاسيالىق كەڭەستەرى جۇمىستى ۇيىمداستىرۋ كەزىندە بۇزۋشىلىقتارعا جول بەرەتىنى انىقتالدى.
«كەڭەستەر قۇرىلعان دوكتورانتۋرانىڭ كەيبىر ءبىلىم بەرۋ باعدارلامالارى اككرەديتتەۋدەن وتپەگەن. ءبىرقاتار ۋنيۆەرسيتەتتە كەڭەستىڭ تۇراقتى قۇرامى بەكىتىلمەگەن ءارى كەڭەس قۇرامىندا 50% ۋاقىتشا مۇشەلەردىڭ بولۋى جونىندەگى تالاپتار ساقتالماعان. ءبىرقاتار ديسسەرتاسيالىق كەڭەستە رەسمي رەسەنزەنتتەردىڭ، ديسسەرتاسيالىق كەڭەس مۇشەلەرىنىڭ عىلىمي جۇمىستى باعالاۋى فورمالدى سيپاتقا يە جانە جۇمىس مازمۇنىنا ەگجەي-تەگجەيلى تالداۋ جۇرگىزىلمەيدى»، – دەپ اتاپ ءوتتى ق ر بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.
ەستەرىڭىزگە سالا كەتەيىك، وسى جىلدىڭ ناۋرىز ايىندا ديسسەرتاسيالىق كەڭەستەردىڭ جۇمىس ىستەۋى بويىنشا جاڭا تالاپتار زاڭنامالىق تۇردە بەلگىلەندى.
ولاردىڭ ىشىندە ديسسەرتاسيالىق كەڭەستەردە ۋاقىتشا مۇشەلەردىڭ:
– قورعالاتىن ديسسەرتاسيا تاقىرىبى بويىنشا سالا ماماندارىنىڭ بولۋى، رەسەنزەنتتەردىڭ داۋىس بەرۋگە قاتىسۋى جانە ولارعا قاتىستى شەكتەۋلەر تۋرالى ەرەجەلەر بار.
سونداي-اق كەڭەستەرگە قورعاۋ ناتيجەلەرى بويىنشا ديسسەرتاسيالىق جۇمىستى تۇزەتۋگە نەمەسە قايتا قورعاۋعا جىبەرۋ سياقتى شەشىمدەر قابىلداۋعا مۇمكىندىك بەرىلدى. سونىمەن قاتار جوو سايتىندا قورعالاتىن ديسسەرتاسيالاردى مەرزىمسىز ۋاقىتقا ورنالاستىرۋ، جۇمىستى ونلاين قورعاۋ –ەنگىزىلگەن جاڭاشىلدىقتاردىڭ ءبىرى بولىپ تابىلادى. بۇل شارالاردىڭ بارلىعى ساپانى قامتاماسىز ەتۋگە باعىتتالعان.