كەزدەسۋ بارىسىندا پرەزيدەنت – قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى قاسىم-جومارت توقايەۆقا قورعانىس ۆەدومستۆوسىنىڭ بيىلعى اتقارعان جۇمىستارىنىڭ قورىتىندىسى جانە اسكەردىڭ جاۋىنگەرلىك دايىندىعىنا قاتىستى جاڭا تاسىلدەر، وقۋ بازاسى مەن پوليگونداردىڭ جاي-كۇيى تۋرالى باياندالدى، دەپ حابارلايدى اlmaty-akshamy.kz.
رۋسلان جاقسىلىقوۆ پرەزيدەنتكە مەملەكەتتىك قورعانىس تاپسىرىسىن ورىنداۋ ماسەلەسىنە، ۇشقىشسىز ۇشاتىن ۇشاق كەشەندەرىن، اۋە شابۋىلىنا قارسى قورعانىس اسكەرلەرىنىڭ قارۋ-جاراعىن، جاڭعىرتىلعان بروندى تەحنيكا مەن بايلانىس قۇرالدارىن قوسا العاندا، اۆياسيالىق تەحنيكانىڭ جاڭا ۇلگىلەرىمەن قامتاماسىز ەتۋ ماسەلەسىن باياندادى. سونىمەن قاتار، ازاماتتاردى مەرزىمدى اسكەري قىزمەتكە شاقىرۋ بارىسى، اسكەري قىزمەتشىلەردىڭ مارتەبەسى مەن ولارعا بەرىلەتىن اقشالاي قاراجاتتى ارتتىرۋعا باعىتتالعان شارالار تۋرالى مالىمەت بەردى.
قاسىم-جومارت توقايەۆ بۇۇ اياسىندا جۇزەگە اسىرىلاتىن ميسسيالارعا قاتىسۋ ءۇشىن قازاقستاندىق بىتىمگەرلىك كونتينگەنتتىڭ الەۋەتىن ارتتىرۋ قاجەت ەكەنىن اتاپ ءوتتى.
كەزدەسۋ سوڭىندا مەملەكەت باسشىسى مينيسترگە وتاندىق قورعانىس باعىتىنداعى كاسىپورىندارمەن ىقپالداستىق جاساۋ، اۋماقتىق قورعانىستى جانە ارنايى وپەراسيالارعا قاتىساتىن كۇشتەردى دامىتۋ، اسكەري-پاتريوتتىق جۇمىستى كۇشەيتۋ جونىندە ءبىرقاتار مىندەت جۇكتەدى.