تۇركسىب اۋدانىنىڭ بايرون، تبيليسسكايا جانە بايماعامبەتوۆ كوشەلەرىندە جاياۋ جۇرگىنشىلەر ايماقتارىنىڭ قۇرىلىسى اياقتالدى. كوپىرلەردىڭ جالپى ۇزىندىعى شامامەن 1000 مەتر.
ءۇش ۋچاسكەنى تۇرعىندار بۇرىن اباتتاندىرىلماعان جولدار رەتىندە پايدالانعان.
«حالىق قاتىساتىن بيۋدجەت» باعدارلاماسى اياسىندا جاياۋ جۇرگىنشىلەر جولدارى سالىندى، كوشە جارىقتاندىرۋ جەلىلەرى، باسپالداقتار ورناتىلدى، مۇمكىندىگى شەكتەۋلى ازاماتتار ءۇشىن قولايلى جاعداي قاراستىرىلدى.
اكىمدىكتە «حالىق قاتىساتىن بيۋدجەت» باعدارلاماسىن ىسكە اسىرۋ بويىنشا جۇمىستار جالعاسىپ جاتىر. بيىل تۇركسىب اۋدانى ءۇشىن 78 جوبانى جۇزەگە اسىرۋعا 1،6 ملرد تەڭگە ءبولىندى. بۇگىندە اۋلالاردى جارىقتاندىرۋدى، ويىن الاڭدارىن سالۋدى، تەرەڭدەتىلگەن قوقىس كونتەينەرلەرىن ورناتۋدى جانە جاياۋ جۇرگىنشىلەر كوپىرلەرىن جوندەۋدى قوسا العاندا 61 نىسان اياقتالدى. جىل سوڭىنا دەيىن بالالار الاڭدارىن سالۋدى، جاياۋ جۇرگىنشىلەر كوپىرلەرىن جوندەۋدى جانە جاياۋ جۇرگىنشىلەر-سەرۋەندەۋ ايماقتارىن جايلاستىرۋدى قوسقاندا تاعى 17 جوبانى اياقتاۋ جوسپارعا ەنگەن.
