قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ وتىرىسى ءوتتى. جيىندا ازىق-تۇلىك قاۋىپسىزدىگىن قامتاماسىز ەتۋ جونىندەگى پروبلەمالار قاراستىرىلدى، دەپ حابارلايدى almaty-akshamy.kz.
وتىرىس بارىسىندا ەلدىڭ ازىق-تۇلىك تاۋەلسىزدىگىن نىعايتۋعا قاتىستى ءبىرقاتار ماسەلە تالقىلاندى.
جيىننىڭ كۇن تارتىبىنە سايكەس پرەمەر-مينيستردىڭ ورىنباسارى سەرىك جۇمانعارين ءسوز سويلەدى. سونداي-اق قابىلدانعان جانە جوسپارلانعان شارالار تۋرالى ءبىرقاتار ۋاكىلەتتى مەملەكەتتىك ورگان باسشىلارى ەسەپ بەردى.
تالقىلاۋ ناتيجەسى بويىنشا مەملەكەت باسشىسى حالىقتى قولجەتىمدى ءارى ساپالى ازىق-تۇلىكپەن قامتاماسىز ەتۋ ماسەلەسىن نەگىزگى باسىمدىق رەتىندە اتاپ ءوتتى.
ازىق-تۇلىك تاۋارلارىن ءوندىرۋ مەن ساتۋدىڭ بارلىق ساتىسىندا باعا بەلگىلەۋدىڭ اشىق بولۋى، ءونىمسىز دەلدالدارمەن كۇرەس جۇرگىزۋدىڭ ماڭىزدى ەكەنىنە نازار اۋدارىلدى.
دەموگرافيالىق ۇردىستەردى ەسكەرە وتىرىپ، ازىق-تۇلىكتىڭ فيزيكالىق تۇرعىدا قولجەتىمدىلىگىنىڭ پەرسپەكتيۆالارى ەڭبەك ونىمدىلىگىنىڭ وسۋىنە، اۋىل شارۋاشىلىعى مەن وتاندىق اگرارلىق عىلىمنىڭ جاڭعىرۋىنا تىكەلەي بايلانىستى ەكەنى اتاپ ءوتىلدى.
جەردى توزۋدان قورعاۋ شارالارىن جانداندىرۋ وزەكتى ماسەلە بولىپ وتىر. سونداي-اق اۋىل شارۋاشىلىعى تەحنيكاسى پاركىن جاڭارتۋ پروسەسىن جۇيەلى تۇردە ۇيىمداستىرۋ جانە جەرگىلىكتى جاعدايعا بەيىمدەلگەن مەنشىكتى تۇقىم قورىن قۇرۋ ءۇشىن جاڭا تاسىلدەر قاجەت.