ءبىرىنشى Qazaqstan IGF 2023: 18 قازاندا ينتەرنەتتى باسقارۋ جونىندەگى ۇلتتىق فورۋم الماتى قالاسىنىڭ جەتەكشى IT حابىندا، SmArtPoint-تە وتەدى. بۇل ماڭىزدى وقيعا قازاقستاندا اشىق جانە ءقاۋىپسىز سيفرلىق كەڭىستىكتىڭ قۇرىلۋىنا ىقپال ەتەدى، دەپ حابارلايدى almaty-akshamy.kz.
بىرىككەن ۇلتتار ۇيىمىنىڭ (بۇۇ) باس حاتشىلىعىنىڭ قولداۋىمەن وتكىزىلەتىن ينتەرنەتتى باسقارۋ جونىندەگى جاھاندىق فورۋمنىڭ (The Internet Governance Forum، IGF) بولىگى سانالاتىن IGF ۇلتتىق باستامالارى ءتورت قۇرلىقتاعى 85 ەلدە جانە 17 ايماقتا ۇسىنىلعان. ۇلتتىق باستاما كوپجاقتى ديالوگ قۇرۋدى ىنتالاندىرادى جانە بۇۇ-نىڭ #9 "ونەركاسىپ، يننوۆاسيا جانە ينفراقۇرىلىم" جانە #17 "تۇراقتى دامۋ مۇددەسىندەگى ارىپتەستىك" تۇراقتى دامۋ ماقساتتارىنا سايكەس كەلەدى.
Qazaqstan IGF - مەملەكەتتىك ورگاندار، جەكە سەكتور، ازاماتتىق قوعام جانە اكادەميالىق ورتانىڭ 200-دەن استام وكىلىنىڭ ينتەرنەت پەن كيبەرقاۋىپسىزدىككە قاتىستى كوپتەگەن ماسەلەنى تالقىلايتىن جىل سايىنعى بىرەگەي ۇلتتىق فورۋمى.
اتاپ ايتقاندا، شارادا مىناداي تاقىرىپتار قامتىلادى:
● تۇراقتى دامۋ ماقساتتارىن (تدم) ىسكە اسىرۋ ءتاسىلى رەتىندە ينتەرنەتتى جان-جاقتى پايدالانۋ؛
● الگوريتمدەر مەن جاساندى ينتەللەكت داۋىرىندەگى ءسوز بوستاندىعى؛
● سيفرلىق زاڭنامانى كوديفيكاسيالاۋ؛
● ساندىق اكتيۆتەر جانە بلوكچەين؛
● تەلەكوممۋنيكاسيا سالاسىنىڭ سيفرلىق ترانسفورماسياسى؛
● قازاقستانداعى دەرەكتەر نارىعىن دامىتۋ جانە رەتتەۋ؛
● ونلاين پلاتفورمالاردى ۇلتتىق رەتتەۋ؛
بۇدان بولەك، فورۋمدا Digital Rights Center Qazaqstan (DRCQ) زاڭ فيرماسىنىڭ ساراپشىلارى قۇراستىرعان قازاقستاننىڭ ونلاين پلاتفورمالارىنىڭ "سيفرلىق قۇقىقتاردى ساقتاۋ رەيتينگىسى 2023" ناتيجەلەرى كوپشىلىك نازارىنا ۇسىنىلادى. شارادا سونداي-اق قازاقستان رەسپۋبليكاسى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك جونىندەگى كوميتەتى (ق ر ءسدياوم اقك) مەن قىرعىزستان جانە رۋمىنيانىڭ دەربەس دەرەكتەردى قورعاۋ ماسەلەلەرى جونىندەگى ۇلتتىق رەتتەۋشىلەر اراسىندا كوپجاقتى مەموراندۋم جاسالادى دەگەن جوسپار بار.
Qazaqstan IGF 2023 بىرىككەن ۇلتتار ۇيىمى باس حاتشىلىعىنىڭ رەسمي قولداۋىمەن Eurasian Digital Foundation، DRCQ، ق ر ءسدياوم اقك، Level 2، "Digital paradigm"، Blockchain KZ، Maqsut Narikbayev University بىرلەسىپ وتكىزىلەدى.