مەملەكەت باسشىسى نۇرجان نۇرجىگىتوۆتى قابىلدادى

قاسىم-جومارت توقايەۆقا بيىلعى ءۇش ايداعى ءوڭىردىڭ دامۋ كورسەتكىشتەرى  مەن پرەزيدەنت تاپسىرمالارىنىڭ ورىندالۋ بارىسى جانە الداعى جوسپارى تۋرالى باياندالدى دەپ حابارلايدى almaty-akshamy.kz

وبلىس اكىمىنىڭ ايتۋىنشا، وڭىرگە تارتىلعان ينۆەستيسيا كولەمى 63،1 ميلليارد تەڭگەگە جەتكەن. سونىمەن قاتار، بيىل وڭىردە قۇنى 100،5 ميلليارد تەڭگە بولاتىن 15 ينۆەستيسيالىق جوبا ىسكە اسىرىلىپ، 1000-نان استام جۇمىس ورنى اشىلادى دەپ جوسپارلانىپ وتىر. 2025 جىلعا دەيىن 75 ينۆەستيسيالىق جوبا جۇزەگە اسىرىلادى.

نۇرجان نۇرجىگىتوۆ مەملەكەت باسشىسىنا 2022 جىلى جامبىل وبلىسىندا 810 مىڭ شارشى مەتر تۇرعىن ءۇي سالىنىپ، 25 ەلدى مەكەنگە اۋىزسۋ، 17 اۋىلعا گاز تارتىلاتىنى جونىندە مالىمەت بەردى. سونىمەن قاتار وڭىردەگى ەگىس القابى 9،2 مىڭ گەكتارعا ۇلعايتىلىپ، اۋىل شارۋاشىلىعى تەحنيكاسى 11 پايىزعا جاڭارتىلاتىنىن ايتتى. ءوڭىر باسشىسىنىڭ ايتۋىنشا، پرەزيدەنت تاپسىرماسىنا سايكەس الەۋمەتتىك ماڭىزى بار تاۋارلاردىڭ باعاسىن تۇراقتاندىرۋ جۇمىستارى جۇيەلى تۇردە اتقارىلىپ جاتىر. سونداي-اق گۆاردەيسك اۋىلىنداعى بيولوگيالىق قاۋىپسىزدىك پروبلەمالارى جونىندەگى عىلىمي-زەرتتەۋ ينستيتۋتىنىڭ بازاسىندا وتاندىق يممۋندىق پرەپاراتتار شىعاراتىن زاۋىتتىڭ جۇمىسى، «BSL-3» وندىرىستىك سەحىنىڭ قۇرىلىسى جونىندە دە ەسەپ بەرىلدى.

مەملەكەت باسشىسى باعانى باقىلاۋدا ۇستاۋ، حالىقتىڭ تابىسىن ارتتىرۋ، ينۆەستيسيا تارتۋ جانە مەملەكەتتىك باعدارلامالاردى ءتيىمدى جۇزەگە اسىرۋ جۇمىستارىن جانداندىرۋ جونىندە ناقتى تاپسىرمالار بەردى.