قازاقستاندىقتاردىڭ بارلىق ۇسىنىسى مەن كوتەرگەن ماسەلەلەرى پىسىقتالادى
ءماجىلىس سپيكەرى پرەزيدەنتكە كونستيتۋسيالىق رەفورمالاردى ودان ءارى جۇزەگە اسىرۋعا قاتىستى الداعى زاڭ شىعارۋ جۇمىستارى جونىندە باياندادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
پارلامەنتتىڭ تومەنگى پالاتاسىنىڭ ءتوراعاسى مەملەكەت باسشىسىنا ءماجىلىس دەپۋتاتتارى مەن «AMANAT» پارتياسىنىڭ مۇشەلەرى رەفەرەندۋمنىڭ ءمان-ماڭىزىن ءتۇسىندىرۋ ناۋقانى بارىسىندا ازاماتتاردان 20 مىڭنان استام ءوتىنىش جيناعانىن ايتتى.
ۇكىمەتپەن بىرلەسە وتىرىپ، قازاقستاندىقتاردىڭ بارلىق ۇسىنىسى مەن كوتەرگەن ماسەلەلەرى پىسىقتالادى جانە زاڭ شىعارۋ جۇمىسى كەزىندە ەسكەرىلەدى. ەرلان قوشانوۆ قاسىم-جومارت توقايەۆقا قازاقستان دەلەگاسياسىنىڭ 6 ماۋسىمدا ەريەۆاندا وتكەن ۇقشۇ پارلامەنتتىك اسسامبلەياسى كەڭەسىنىڭ كوشپەلى وتىرىسىنا قاتىسقانى جونىندە ايتتى.
پارلامەنتتىك اسسامبلەيا حالىقارالىق جانە ايماقتىق دەڭگەيدە قاۋىپسىزدىك ماسەلەسىن شەشۋ ءۇشىن بۇۇ اياسىندا ۇقشۇ بىتىمگەرلىك الەۋەتىنىڭ دامۋى تالقىلاندى.