پەش كۇمبەزى قۇلادى
قاراعاندى وبلىسىنىڭ اكىمدىگى ءوندىرىس ورىنداعى قايعىلى جاعدايعا قاتىستى تۇسىنىك بەردى، دەپ حابارلايدى Almaty-akshamy.kz.
اكىمدىك تاراتقان مالىمەتتە 2022 جىلعى 10 ماۋسىمدا «قۇرىلىسمەت» ج ش س اۋماعىندا "ارسەلورميتتال تەمىرتاۋ" اق قىزمەتكەرلەرىمەن جازاتايىم وقيعا ورىن العانى ايتىلادى.
«وتقا ءتوزىمدى كىرپىش قالاۋىن بولشەكتەۋ كەزىندە ۇستا-پرەسس سەحىنىڭ № 9 جۇمىس ىستەمەيتىن تەرميالىق پەشىندە توبە قۇلادى. پەش كۇمبەزىنىڭ قۇلاۋى ناتيجەسىندە (كولەمى 5ح5ح10 م) ۇيىندىلەردىڭ استىندا بەس ادام قالدى. ولاردىڭ تورتەۋى قايتىس بولدى، بىرەۋى 1994 جىلى تۋعان ەر ادام اۋرۋحاناعا جەتكىزىلدى»،-دەلىنگەن حابارلامادا.
قازىرگى ۋاقىتتا قاراعاندى وبلىسى تجد قۇتقارۋشىلارى (27 ادام جانە 7 بىرلىك تەحنيكا) جانە "سەرىكتەس ءورت ءسوندىرۋشى" ج ش س قىزمەتكەرلەرى (10 ادام جانە 2 بىرلىك تەحنيكا) ۇيىندىلەردى ارشۋدا.
وقيعا ورنىندا قاراعاندى وبلىسىنىڭ اكىمى جەڭىس قاسىمبەك، تجد جانە ونەركاسىپتىك قاۋىپسىزدىك باسشىلارى بار.
ق ر ەڭبەك كودەكسىنىڭ تالاپتارىنا سايكەس ەڭبەك جونىندەگى ۋاكىلەتتى ورگاننىڭ وكىمىمەن كوميسسيا قۇرىلادى جانە جازاتايىم وقيعاعا ارنايى تەكسەرۋ جۇرگىزىلەدى. ناتيجەلەر تۋرالى قوسىمشا حابارلاناتىن بولادى.