مينيستر ءوزى جەتەكشىلىك ەتەتىن بارلىق سالادا اتقارىلىپ جاتقان جۇمىستار تۋرالى باياندادى.
مەملەكەت باسشىسى مادەنيەت جانە سپورت ءمينيسترى داۋرەن ابايەۆتى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
قاسىم-جومارت توقايەۆقا مينيستر ءوزى جەتەكشىلىك ەتەتىن بارلىق سالادا اتقارىلىپ جاتقان جۇمىستار تۋرالى باياندادى. داۋرەن ابايەۆ ازاماتتاردىڭ جەكەلەگەن ساناتتارىنىڭ كىرىسىن ارتتىرۋ شارالارى تۋرالى ايتتى.
اتاپ ايتقاندا، بيىل مادەنيەت، ونەر جانە سپورت مەكەمەلەرى قىزمەتكەرلەرىنىڭ جالاقىسى وسكەن. مينيسترلىك مەملەكەت باسشىسىنىڭ ءتيىستى تاپسىرمالارىن ورىنداۋ بويىنشا جۇمىستى جالعاستىرادى.
مادەنيەت جانە سپورت ءمينيسترى كىتاپ شىعارۋ سالاسىنداعى جاعداي تۋرالى باياندادى. ءقازىر نەگىزگى كۇش باسپا ونىمدەرىنىڭ، سونىڭ ىشىندە بالالار ادەبيەتىنىڭ باسەكەگە قابىلەتىن ارتتىرۋعا، سونداي-اق جازۋشىلاردى قولداۋعا باعىتتالعان.
سونىمەن قاتار پرەزيدەنتكە مۇراعات قويمالارىن جاڭعىرتۋ مەن سيفرلاندىرۋ جايى ايتىلدى. قازاقستاندىق سپورتشىلاردىڭ حالىقارالىق ءىرى جارىستارعا، 2024 جىلى وتەتىن وليمپيادا ويىندارىنا دايىندىق ماسەلەسى دە جەكە قاراستىرىلدى.
مەملەكەت باسشىسى مينيسترلىككە بۇقارالىق جانە بالالار سپورتىن دامىتۋ، ۇلتتىق مادەنيەتتى كەڭىنەن ناسيحاتتاۋ جونىندە ءبىرقاتار مىندەت جۇكتەدى. قاسىم-جومارت توقايەۆ تۋريستىك ينفراقۇرىلىمدى دامىتۋ مەن شەتەلدىك ينۆەستورلاردى تارتۋ جانە بىرلەسكەن تۋريستىك جوبالاردى ىسكە قوسۋ ءۇشىن قاجەتتى جاعداي جاساۋدىڭ ماڭىزدى ەكەنىن اتاپ ءوتتى.