پرەزيدەنت قاسىم-جومارت توقايەۆ الماتىدا قايعىلى وقيعا كەزىندە قازا تاپقان پوليسيا قىزمەتكەرلەرى مەن اسكەري قىزمەتشىلەردىڭ تۋعان-تۋىستارىمەن كەزدەستى. مەملەكەت باسشىسى قايعىرا كوڭىل ايتىپ، وتباسى مۇشەلەرىمەن اڭگىمەلەستى. ولارعا مەملەكەت تاراپىنان جان-جاقتى قولداۋ كورسەتىلەتىنىن اتاپ ءوتتى، دەپ حابارلايدى اlmaty-akshamy.kz
– ولار حالقىمىزدىڭ قاۋىپسىزدىگى ءۇشىن، ەلىمىزدىڭ بولاشاعى ءۇشىن ءوز جاندارىن قۇربان ەتكەن ناعىز باتىرلار. ءبىز ولاردىڭ ەرلىگىنە ءتانتىمىز، ەشقاشان ۇمىتپايمىز. ولار حالقىمىزدىڭ جادىندا ماڭگى ساقتالادى. سىزدەردىڭ وتباسىلارىڭىز نازاردان تىس قالمايتىنىنا ءسوز بەرەمىن. باسپانا بولسىن، بالالاردىڭ وقۋى بولسىن، بارلىق ماسەلەگە ءارقاشاندا كومەك كورسەتەتىن بولامىز، – دەدى پرەزيدەنت.
قاسىم-جومارت توقايەۆ اسكەري جانە قىزمەتتىك مىندەتىن ورىنداۋ كەزىندە كورسەتكەن باتىرلىعى مەن جانكەشتىلىگى، مەملەكەت مۇددەسىن قورعاۋ بارىسىندا كورسەتكەن ەرلىكتەرى ءۇشىن بىرىنە جار، بىرىنە اكە بولعان مارقۇمدارعا بەرىلگەن ناگرادالاردى تۋعان-تۋىستارىنا تابىس ەتتى.