قاسىم-جومارت توقايەۆقا ورتالىقتىڭ قۇقىقتىق ءتارتىپتى جانە قالا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋدەگى ءرولى تۋرالى مالىمەت بەرىلدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
شۇعىل ارەكەت ەتۋ ورتالىعىندا قالا اۋماعىنداعى شۇعىل جاعدايلار تۋرالى تۇسكەن اقپاراتتار تاۋلىك بويى ۇزدىكسىز جينالىپ، ولارعا تالداۋ جاسالادى جانە قۇقىقبۇزۋشىلىقتىڭ الدىن الۋ جۇمىستارى جۇرگىزىلەدى.
پرەزيدەنتكە قالاداعى تەرروريستىك اكت كەزىندە بۇزاقىلاردىڭ ماقساتتى تۇردە 20 كوشەگە ورناتىلعان 493 بەينەكامەرانى، بەينەباقىلاۋدى باسقارۋ جانە بايلانىس جۇيەسىنىڭ تەحنيكالىق جابدىقتارىن ىستەن شىعارعانى جونىندە باياندالدى.
ۇكىمەتتىك كوميسسيا مەن اكىمدىككە باقىلاۋ جۇيەلەرىن تۇگەلدەي قالپىنا كەلتىرۋ تاپسىرىلدى. قالاداعى ءتارتىپتى 10 مىڭعا جۋىق بەينەكامەرا باقىلايتىن بولادى.