ءوز ەركىمەن كەتەمىز دەگەن شەتەل ازاماتتارى مەن كونسۋلدىق قىزمەتكەرلەرىنە ەل ۇكىمەتى ەۆاكۋاسيالانۋعا قولداۋ كورسەتكەن.
امەريكا قۇراما شتاتتارى قازاقستان ۇكىمەتىنە الماتىدان ءوز ەركىمەن كەتەمىز دەگەن كونسۋلدىقتىڭ كەيبىر قىزمەتكەرلەرىن، اقش ازاماتتارىن جانە باسقا دا شەتەل ازاماتتارىن 12 قاڭتاردا ۋاقىتشا ەۆاكۋاسيالاۋعا قولداۋ كورسەتكەنى ءۇشىن العىس ايتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«قازاقستان ءارقاشان امەريكا قۇراما شتاتتارىنىڭ سەنىمدى دوسى بولىپ قالا بەرەدى. ءبىز قازاقستاندىقتاردىڭ تۇراقتىلىعىنا جانە حالىقتىڭ بۇل داعدارىستان شىعا الاتىنىنا سەنەمىز» دەلىنگەن ەلشىلىكتىڭ مالىمدەمەسىندە.
اقش مەملەكەتتىك حاتشىسى ەنتوني بلينكەن قازاقستاننىڭ سىرتقى ىستەر ءمينيسترى مۇحتار تلەۋبەردىمەن 6 قاڭتاردا سويلەسكەندە ايتقانداي، اقش قازاقستاننىڭ كونستيتۋسيالىق ينستيتۋتتارىن تولىعىمەن قولدايدى. «جاعدايدىڭ مۇمكىندىگىنە قاراي، ءبىزدىڭ قىزمەتكەرلەرىمىز الماتىعا قايتا ورالا الار دەگەن ويدامىز»، - دەپ ءمالىم ەتتى اقش ەلشىلىگى.