ق ر پرەزيدەنتى قاسىم-جومارت توقايەۆ كينورەجيسسەر تيمۋر بەكمامبەتوۆتى قابىلدادى، دەپ حابارلايدى Almaty-akshamy.kz
كەزدەسۋ بارىسىندا ەلىمىزدەگى كينەماتوگرافيا سالاسىن دامىتۋ پەرسپەكتيۆالارى، كرەاتيۆتى يندۋستريا ماماندارىن وقىتۋ، وتاندىق كينوكونتەنتتىڭ كولەمىن ۇلعايتۋعا جاعداي جاساۋ جانە كينەماتوگرافيستەردى قولداۋ ماسەلەلەرى تالقىلاندى.
تيمۋر بەكمامبەتوۆ ءداستۇرلى ماماندىق يەلەرىن (ۇستازدار، ارتىستەر، سۋرەتشىلەر جانە تاعى باسقالارى) سيفرلىق كرەاتيۆتى يندۋسترياعا قاجەتتى ماماندىقتارعا قايتا دايارلاۋ جونىندەگى جوبانى وزگە ەلدەردە جۇزەگە اسىرۋ تاجىريبەسىن ءبولىستى.
قاسىم-جومارت توقايەۆ بۇل سالانىڭ دامۋىنا جاعداي جاساپ، شەتەلدىك مامانداردى تارتۋعا مۇمكىندىك بەرەتىن «كينەماتوگرافيا تۋرالى» زاڭنىڭ ماڭىزدى ءرولىن اتاپ ءوتتى.
مەملەكەت باسشىسى الەمدىك تاجىريبەگە سۇيەنە وتىرىپ، وتاندىق كينو يندۋسترياسىن جاڭعىرتۋ قاجەت ەكەنىنە باسا نازار اۋداردى.
