مەملەكەت باسشىسى ىشكى ىستەر ءمينيسترىن قابىلدادى

پرەزيدەنت قۇقىق قورعاۋ ورگاندارىنا ازاماتتاردىڭ كونستيتۋسيالىق قۇقىقتارىنىڭ قاتاڭ ساقتالۋىن قامتاماسىز ەتۋدى تاپسىردى.

سونىمەن بىرگە قاسىم-جومارت توقايەۆ ءىىم باسشىلىعىنا قۇقىقتىق ءتارتىپ پەن قوعامدىق قاۋىپسىزدىك دەڭگەيىن ودان ءارى ارتتىرۋ جونىندە ءبىرقاتار مىندەت جۇكتەدى، دەپ حابارلايدى Almaty-akshamy.kz

مارات احمەتجانوۆ:

ەلىمىزدەگى كريمينوگەندىك احۋال جونىندە مالىمدەدى؛

قىلمىس سانىنىڭ ازايعانى جونىندە باياندادى؛

CyberPol جوباسىنىڭ ناتيجەلەرىمەن تانىستىردى؛

ەسىرتكى قىلمىسىنا قارسى كۇرەس باعىتىندا جۇرگىزىلىپ جاتقان جۇمىستاردىڭ قورىتىندىسى تۋرالى ەسەپ بەردى:

     – جىل باسىنان بەرى قۇقىق قورعاۋ جانە ارناۋلى ورگانداردىڭ بىرلەسكەن كۇش-جىگەرىنىڭ ناتيجەسىندە 14،3 توننا ەسىرتكى، سونىڭ ىشىندە 71،5 كگ گەروين، 652 كگ سينتەتيكالىق ەسىرتكى تاركىلەنگەن؛

     – ءىىم كۇشتەرى 52 ەسىرتكى زەرتحاناسىن جويىپ، 85 توننا پرەكۋرسور تاركىلەنگەن؛

ۇيىمداسقان قىلمىستىق توپتاردىڭ ارەكەتتەرى بويىنشا 37 قىلمىستىق ءىس تىركەلگەنىن ايتتى؛

ادام ساۋداسىنا بايلانىستى 111 قىلمىس انىقتالعانىن حابارلادى؛

وتباسىلىق-تۇرمىستىق سالادا زورلىق-زومبىلىق جاساعاندارعا قاتىستى جاۋاپكەرشىلىكتى قاتاڭداتۋ شارالارى تۋرالى باياندادى؛

جول-كولىك وقيعالارىنىڭ الدىن الۋ جانە شەتەلدىك اۆتوكولىكتەردى زاڭداستىرۋ جۇمىستارىنىڭ ناتيجەلەرىن ۇسىندى.