پرەزيدەنت قاسىم-جومارت توقايەۆ بۇۇ كليماتتىڭ وزگەرۋى تۋرالى نەگىزدەمەلىك كونۆەنسياسىنا قوسىلۋشى تاراپتاردىڭ 29-شى كونفەرەنسياسى (سOP29) اياسىندا گرەكيا پرەمەر-مينيسترى كيرياكوس ميسوتاكيسپەن كەزدەسۋ وتكىزدى.
مەملەكەت باسشىسى گرەكيانى قازاقستاننىڭ جەرورتا تەڭىزى ايماعى جانە ەۋروپا وداعىنداعى سەنىمدى سەرىكتەسى رەتىندە اتاپ ءوتىپ، افينى ەلىمىزدىڭ ەۋروپا وداعىنا مۇشە مەملەكەتتەر اراسىنداعى بەس ءىرى ساۋدا ارىپتەسىنىڭ ءبىرى ەكەنىنە نازار اۋداردى، دەپ حابارلايدى aqshamnews.kz اقوردانىڭ رەسمي سايتىنا سىلتەمە جاساپ.
ءوز كەزەگىندە كيرياكوس ميسوتاكيس قازاق-گرەك ىنتىماقتاستىعىنىڭ الەۋەتىن جوعارى باعالاپ، بارلىق باعىتتاعى ءوزارا بايلانىستاردى تەرەڭدەتۋگە دايىندىعىن جەتكىزدى.
قاسىم-جومارت توقايەۆ پەن كيرياكوس ميسوتاكيس ساۋدا-ەكونوميكالىق، ينۆەستيسيالىق جانە مادەني-گۋمانيتارلىق قارىم-قاتىناستى نىعايتۋعا بەيىل ەكەنىن راستاپ، ءوزارا ساۋدا-ساتتىقتى ءارتاراپتاندىرۋدىڭ ماڭىزدىلىعىنا توقتالدى.
كەزدەسۋدە بەلسەندى ساياسي ديالوگ جۇرگىزۋ جونىندە ۋاعدالاستىق جاسالدى. گرەكيا ۇكىمەتىنىڭ باسشىسى پرەزيدەنت قاسىم-جومارت توقايەۆتىڭ قازاقستانعا ساپارمەن كەلۋ تۋرالى ۇسىنىسىن ريزاشىلىقپەن قابىل الدى.