ولار سالىمشىلارعا 20 ميلليارد تەڭگەگە جۋىق شىعىن كەلتىرگەن.
قارجى مونيتورينگى اگەنتتىگى قارجى پيراميدالارىنىڭ بەلگىسى بار 10،5 مىڭنان اسا سايت سىلتەمەسى بۇعاتتالعانىن مالىمدەدى، دەپ حابارلايدى aqshamnews.kz
بۇگىنگى كۇنى قىلمىستىق ءىس قوزعالىپ، 12 ميلليارد تەڭگەدەن استام قاراجات وتەلگەن.
«الاياقتار ءوزىن كانادالىق كومپانيانىڭ اكسيونەرى جانە يەسى رەتىندە تانىستىرىپ، مۋزىكالىق ينۆەستيسيالىق جوبا قىزمەتىنە ءىس جۇزىندە قاتىسى جوق كومپانيانىڭ اكسيالارىن ساتۋمەن اينالىسقان. وسىلايشا، سالىمشىلاردىڭ قاراجاتىن تارتىپ، ەنگىزىلگەن سومانىڭ 10-15%-ىنا دەيىن پايداسىن بەرۋگە ۋادە ەتكەن. كەلتىرىلگەن زالال سوماسى – 255 ميلليون تەڭگە. سوت ۇكىمىمەن كىنالىلەر 5 جىلدان 6 جىلعا دەيىنگى مەرزىمگە باس بوستاندىعىنان ايىرىلدى»، – دەلىنگەن قارجى مونيتورينگى اگەنتتىگى تاراتقان جازبادا.
اگەنتتىك مالىمەتىنشە، بيىل قارجى پيراميدالارىنىڭ بەلگىلەرى بار 10،5 مىڭنان اسا سايت سىلتەمەلەرى، WhatsApp، Telegram جانە Instagram جەلىلەرىندە 292 چات بۇعاتتالعان. جۇيەلى جۇمىستار نەگىزىندە 2 ميلليوننان اسا الەۋەتتى سالىمشىنىڭ قارجى شىعىنىنا توسقاۋىل بولعان.
"Qnet"، "World Business Consulting"، "Finiko" "Antares" / "Antares Trade"، "Sincere Systems Group" / "S-Group"، "Hermes LTD"، "Life is good"، "Chia Tai Tianding" / "Chia Tai Pharmaceutical" "Energy Eolus Oazqstan" / "Eolus" سياقتى قازاقستاندا قىزمەتىن جۇزەگە اسىرعان قارجى پيراميدالارىنىڭ قۇرىلىمدىق بولىمشە ۇيىمداستىرۋشىلارى جاۋاپقا تارتىلعان.