قىلمىس تاڭەرتەڭ الماتىنىڭ المالى اۋدانىندا بولدى.
الماتىدا سۋپەرماركەتتىڭ ەسەپشىسىنە شابۋىل جاساعان كۇدىكتى ۇستالدى، - دەپ حابارلايدى aqshamnews.kz Polisia.kz-كە سىلتەمە جاساپ.
پوليسەيلەر سۋپەرماركەت ەسەپشىسىنە شابۋىل جاساعان 39 جاستاعى ەر ادامدى ۇستادى. تۇرعىن ءۇيدىڭ اۋلاسىندا بەلگىسىز بىرەۋ ايەلدى تاپانشامەن قورقىتىپ، ودان اقشا تالاپ ەتكەن. قاسكويدىڭ ولجاسى 400 مىڭ تەڭگە بولدى.
«قاسكوي ءوزىنىڭ بەتىن شارفپەن جاپقان. قىلمىس جاساعاننان كەيىن ول قاشىپ كەتكەن، ال ايەل پوليسياعا وزىنە شابۋىل جاسالعانى تۋرالى حابارلاعان. تەرگەۋ-جەدەل توبى قۇرىلىپ، جەدەل-ىزدەستىرۋ شارالارى ۇيىمداستىرىلدى. تۇسكە تامان 39 جاستاعى كۇدىكتى ۇستالدى. ارنايى ءىس-شارا قالا ورتالىعىندا، ابىلاي حان داڭعىلىنىڭ بويىندا جۇرگىزىلدى. قاسكويدىڭ شابۋىلدى جوسپارلاعانى جانە ۇلكەن پايداعا ۇمىتتەنگەنى بەلگىلى بولدى. شابۋىل جاساعان ادام قاماۋعا الىندى. گاز تاپانشاسى تاركىلەندى»، – دەدى الماتى قالالىق پوليسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.