كەزدەسۋدە مەملەكەت باسشىسى ۇلتتىق وليمپيادا كوميتەتىنىڭ الداعى جۇمىسىنىڭ باسىم باعىتتارىنا نازار اۋداردى.
قازاقستان پرەزيدەنتى، ەڭ الدىمەن، حالىقارالىق وليمپيادا كوميتەتى اياسىنداعى سەنىمدى جانە ءتيىمدى قارىم-قاتىناستى نىعايتۋ ماڭىزدى ەكەنىن ايتتى، دەپ حابارلايدى اlmaty-akshamy.kz.
قاسىم-جومارت توقايەۆ ۇلتتىق قۇرامالارداعى سپورتشىلاردىڭ الداعى XXXII جازعى وليمپيادا ويىندارىنا دايارلىعىنا قاتىستى زور جاۋاپكەرشىلىك جۇكتەلەتىنىن اتاپ ءوتتى. سونىمەن قاتار ليسەنزيالار سانىن كوبەيتۋ جانە پاريج وليمپياداسىندا ەلەۋلى ناتيجەگە قول جەتكىزۋ ءۇشىن ءتيىمدى جۇيە قۇرۋ ماڭىزدى مىندەت ەكەنىنە توقتالدى.
مەملەكەت باسشىسىنىڭ ايتۋىنشا، ءوز الەۋەتىن تانىتۋ ءۇشىن سپورتشىلارعا بارىنشا قولايلى جاعداي جاساپ، وتاندىق سپورتتىڭ وركەندەۋىنە كەرى اسەر ەتەتىن جاعىمسىز قۇبىلىستاردى جويۋ قاجەت. سونداي-اق ۇلتتىق قۇراماعا سپورتشىلاردى ىرىكتەۋ ءادىل جۇرگىزىلۋى كەرەك.
قاسىم-جومارت توقايەۆ گەنناديي گولوۆكيننىڭ كاسىبيلىگى مەن مول تاجىريبەسى ەلىمىزدەگى وليمپيادالىق سپورت تۇرلەرىن دامىتۋدىڭ وزەكتى ماسەلەلەرىن ءتيىمدى شەشۋگە ىقپال ەتەتىنىنە سەنىم ءبىلدىردى.