پرەزيدەنت قاسىم-جومارت توقايەۆ ەسەپ كوميتەتىنىڭ ءتوراعاسى ناتاليا گودۋنوۆانى قابىلدادى، دەپ حابارلايدى Almaty-akshamy.kz اقوردا-عا سىلتەمە جاساپ.
قاسىم-جومارت توقايەۆقا ءاۋديتتىڭ جوعارى ورگانىنىڭ بيىلعى ءبىرىنشى جارتىجىلدىقتاعى قىزمەتىنىڭ نەگىزگى قورىتىندىلارى، سونداي-اق مەملەكەت باسشىسى بەرگەن تاپسىرمالاردىڭ ورىندالۋى بارىسى جونىندە باياندالدى.
پرەزيدەنتكە ۇسىنىلعان اقپاراتقا سايكەس ەسەپتىك كەزەڭدە 1،3 تريلليون تەڭگە كولەمىندەگى بيۋدجەت قاراجاتىن قامتيتىن 77 نىساندا 14 اۋديتورلىق ءىس-شارا وتكىزىلدى.
ودان بولەك ناتاليا گودۋنوۆا قاسىم-جومارت توقايەۆقا ەسەپ كوميتەتىن جوعارى اۋديتورلىق پالاتا رەتىندە قايتا قۇرۋ بويىنشا ازىرلەنگەن تاسىلدەر جونىندە اقپارات بەردى.
كەزدەسۋ سوڭىندا مەملەكەت باسشىسى ەسەپ كوميتەتىنىڭ ءتوراعاسىنا ءبىرقاتار تاپسىرما بەردى.
مەملەكەت باسشىسى ەسەپ كوميتەتىنىڭ ءتوراعاسىنا ءبىرقاتار تاپسىرما بەردى
- اۆتور Almaty-akshamy
- 12:36، 16 تامىز 2022
سۋرەت: Akorda.kz