وتاندىق ۆاكسينا ءوندىرىسى جاندانباق
قازاقستان جانۋارلار ۆاكسيناسىن ازىرلەۋدى جولعا قويىپ، يمپورتتان تولىق ارىلۋدى جوسپارلاپ وتىر، دەپ حابارلايدى Almaty-akshamy.kz قازاقپارات-قا سىلتەمە جاساپ.
«ءبىز ءبىرىڭعاي وپەراتور قۇرىپ، وتاندىق وندىرۋشىلەرگە ۆاكسينا جاساۋ ءۇشىن مەملەكەتتىك تاپسىرىس بەرگىمىز كەلەدى. ەگەر وتاندىق وندىرۋشىلەر مەملەكەتتىك تاپسىرىس اياسىندا قاجەتتى كولەمدە ۆاكسينا ازىرلەي السا، ولار ۋكراينا، رەسەي جانە بەلارۋس ەلىنەن كەلەتىن دارى-دارمەكتى الماستىرادى. بولاشاقتا يمپورتقا تاۋەلدى بولماس ءۇشىن «QazBioPharm» حولدينگتى قىزمەتى اياسىندا وتاندىق ۆاكسينا ءوندىرىسىن جولعا قويعىمىز كەلەدى. «QazBioPharm» حالىقارالىق ستاندارتتارعا سايكەس ۆاكسينا شىعارادى»، - دەدى ق ر اۋىل شارۋاشىلىعى ءمينيسترىنىڭ ورىنباسارى رۇستەم قۇرمانوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ۆيسە-مينيستردىڭ مالىمدەۋىنشە، مەملەكەتتىك تاپسىرىس بويىنشا جانۋارلارعا ارنالعان ۆاكسينانىڭ 70 پايىزى وتاندىق ءونىم، قالعان 30 پايىزى بەلارۋس جانە رەسەيدەن ساتىپ الىنادى.
«ەۋروپادان جەتكىزىلەتىن ۆاكسينالارعا قاتىستى قىمباتتاۋشىلىق بار. ونىڭ سەبەبى دوللار، ەۋرو باعامىنىڭ وسۋىنە بايلانىستى بولۋى مۇمكىن. بىزدە جانۋارلارعا ارنالعان ۆاكسينا اكەلەتىن كوپتەگەن كاسىپورىن بار. ءبىراق ولار اكەلەتىن ۆاكسينا كولەمى ازايدى. ازايۋدىڭ سەبەبى يمپورتقا تىيىم سالۋدا ەمەس، باعامەن بايلانىستى بولىپ وتىر»، - دەيدى ول.
بۇعان دەيىن حابارلاعانىمىزداي ەلىمىزدە ۆەتەريناريا سالاسىن رەفورمالاۋدىڭ جول كارتاسى بەكىتىلدى.