Cاتىپ العان چەكتى جاريالادى
ق ر وقۋ-اعارتۋ ءمينيسترى اسحات ايماعامبەتوۆ ۇلىنىڭ مەكتەپ فورماسىن ساتىپ العان چەكتى جاريالادى، دەپ حابارلايدى Almaty-akshamy.kz.
«بۇگىن ۇكىمەت وتىرىسىنان كەيىن ۇلىما مەكتەپ فورماسىن الۋعا قانشا قاراجات جۇمساعانىمدى سۇرادى. ۇلىم مەملەكەتتىك مەكتەپتە وقيدى جانە وقۋ جىلىنا باسقا اتا-انالار سياقتى دايىندالامىز. جەكسەنبى كۇنى ۇلىم ەكەۋىمىز 36 000 تەڭگەگە جەيدە، كوستيۋم، شالبار جانە گالستۋك ساتىپ الدىق. تۇبىرتەكتەن زاتتاردىڭ قۇنىن جانە ونىڭ جالپى سوماسىن ەسەپتەپ كورۋگە بولادى»، - دەپ جازدى مينيستر Facebook پاراقشاسىندا.
سونداي-اق مەكتەپ فورماسىنان بولەك، مينيستر شامامەن 20 مىڭ تەڭگەگە پورتپلەد ساتىپ العان.
«جاۋابىمدى راستاۋ ءۇشىن ساتىپ الىنعان زاتتاردىڭ تۇبىرتەكتەرىن قوسا سالىپ وتىرمىن. ءبىر تۇبىرتەكتە سوما 26 مىڭ تەڭگە (پيدجاك. شالبار. جەيدە). ەكىنشى تۇبىرتەكتە – 10 مىڭ تەڭگەدەن جوعارى (تاعى ءبىر جەيدە مەن گالستۋك). جالپى سوماسى 36 مىڭ تەڭگەدەن اسادى. پورتپلەد شامامەن 20 مىڭ تەڭگە. بۇرىن ساتىپ الىنعان مەكتەپ فورماسى بارىن دا ايتقىم كەلەدى. ياعني بىلتىرعى كيىمدەرىن بالام بيىل دا كيەدى. مينيسترلىكتىڭ 475 مىڭ مۇقتاج بالاعا مەكتەپ فورماسىن ساتىپ الۋىنا قارجىلاي كومەك كورسەتۋ شارالارىن قاداعالاپ وتىراتىنىن اتاپ وتكىم كەلەدى. وقۋ جىلى قارساڭىندا ۇكىمەت بۇل ماسەلەنى باقىلاۋعا الدى. پرەمەر-مينيستر ءتيىستى تاپسىرمالار بەردى»، - دەپ جازدى اسحات ايماعامبەتوۆ.