كادرلار ماسەلەسىنە وتە ساقتىقپەن قاراۋ كەرەك
«حابار» تەلەارناسىنا سۇحبات بەرگەن مەملەكەت باسشىسى قاسىم-جومارت توقايەۆ ەلىمىزدەگى سوڭعى كادرلىق تاعايىنداۋلارعا قاتىستى تۇسىنىك بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
پرەزيدەنت قىزمەت ەتىپ جۇرگەن كادرلاردى تولىقتاي جۇمىسىنان شەتتەتۋ تاجىريبەسىنە قارسى ەكەنىن ايتتى. كادرلاردى بىلىكتىلىگىنە، جۇمىستى اتقارۋ ساپاسىنا قاراي باعالاۋ كەرەك. وسى ورايدا مەملەكەت باسشىسى ۇكىمەتتى 100 پايىز اۋىستىرىپ، ءوزىڭدى ريەۆوليۋسيونەر رەتىندە جاريا ەتىپ، كوپشىلىكتىڭ الدىندا وسىنداي ارەكەتتەر جاساۋدى قولدامايتىنىن جەتكىزدى.
«بۇل ماسەلەدە لايىقتى مينيسترلەردى ىرىكتەۋ كەرەك. قىزمەتكەردى «كوشەدەن» تاعايىنداۋعا بولار ەدى. الەمدىك تاريحتا وسىنداي جاعدايلار كەزدەسكەن بولاتىن... اتاپ ايتقاندا، كادرلار ماسەلەسىنە وتە ساقتىقپەن قاراۋ كەرەك»، - دەدى قاسىم-جومارت توقايەۆ.
پرەزيدەنت جۇمىسىندا جاۋاپكەرشىلىگى جوقتارى قىزمەتتە جۇرە بەرمەيتىنىن اتاپ ءوتتى.
«ارينە، بولاشاقتا وزگەرىستەر بولادى. بۇل قادامدار جان-جاقتى پىسىقتالعان، ويلاستىرىلعان نەگىزدە جاسالادى»، - دەدى مەملەكەت باسشىسى.