فيدە قازاقستاندىق دارىندى قىزدى ازيانىڭ ۇزدىك شاحماتشىسى دەپ تانىدى
ق ر پرەزيدەنتى قاسىم-جومارت توقايەۆ ءبيبىسارا اساۋبايەۆانى قۇتتىقتادى، دەپ حابارلايدى Almaty-akshamy.kz قازاقپارات سىلتەمە جاساپ.
«ءبيبىسارا اساۋبايەۆا تولاعاي تابىسقا قول جەتكىزدى. قازاقستان شاحماتشىلارىنا ۇنەمى قولداۋ كورسەتىپ كەلە جاتقان پرەزيدەنت قاسىم-جومارت توقايەۆ بۇل جاڭالىقتى نازاردان تىس قالدىرعان جوق. ول ءبيبىسارانى قۇتتىقتاپ، جاڭا جەتىستىكتەر تىلەدى»، - دەلىنگەن اقوردا تاراتقان حابارلامادا.
ەسكە سالساق، شاحماتتان 18 جاستاعى قازاقستاندىق الەم چەمپيونى ءبيبىسارا اساۋبايەۆا ازيانىڭ ۇزدىك شاحماتشىسى اتاندى. ءبيبىسارا بليستەن ايەلدەر اراسىندا ەڭ جاس الەم چەمپيونى.
ءبيبىسارا 2021 جىلدىڭ 30 جەلتوقسانىندا پولشانىڭ ۆارشاۆا قالاسىندا بليستەن ايەلدەر اراسىندا وتكەن الەم چەمپيوناتىندا 17 جاسىندا جەڭىسكە جەتتى. ول ايەلدەر اراسىنداعى گروسسمەيستەر (2019). ەرلەر اراسىندا حالىقارالىق شەبەر (2020). بليس بويىنشا الەم چەمپيونى (2021).