مەملەكەت باسشىسى باتىس قازاقستان ماشينا جاساۋ زاۋىتىنا باردى

مەملەكەت باسشىسى باتىس قازاقستان ماشينا جاساۋ زاۋىتىنا باردى سۋرەت: Akorda.kz

بۇل تۋرالى اقوردانىڭ رەسمي سايتى جازدى، دەپ حابارلايدى اlmaty-akshamy.kz  BAQ.KZ-كە سىلتەمە جاساپ.



قاسىم-جومارت توقايەۆ «باتىس قازاقستان ماشينا جاساۋ كومپانياسى» اكسيونەرلىك قوعامىنا بارىپ، زاۋىتتىڭ جۇمىسىمەن تانىستى.


زاۋىت باسشىسى كاسىپورىننىڭ مۇناي مەن گاز، كۇردەلى مەتالل كونسترۋكسيالارىن وندىرۋگە، وڭدەۋگە، تاسىمالداۋعا ارنالعان جوعارى تەحنولوگيالىق جابدىقتار شىعارۋمەن اينالىساتىنىن باياندادى. كومپانيا – General Electric كومپانياسىنىڭ گاز تۋربيناسى بويىنشا ستراتەگيالىق سەرىكتەسى. زاۋىت اۋماعىندا «Baker Hughes General Electric Company» سەرتيفيكاتتاعان جانە BHGE ماماندارىنىڭ ۇسىنىستارىنا سايكەس زاماناۋي تەحنولوگيالىق قۇرالدارمەن جابدىقتالعان قىزمەت كورسەتۋ ورتالىعى جۇمىس ىستەيدى. سونداي-اق زاۋىت اۋىل شارۋاشىلىعىنىڭ قاجەتتىلىكتەرى ءۇشىن Fregat سەبەلەپ سۋاراتىن ماشينالار ءوندىرىسىن دامىتۋ جوباسىن جۇزەگە اسىرۋدى جوسپارلاپ وتىر.




كاسىپورىن جۇمىسىمەن تانىسقان مەملەكەت باسشىسى جاڭا جوبالاردى جۇزەگە اسىرۋدىڭ ماڭىزدىلىعىن اتاپ ءوتتى. ونىڭ پىكىرىنشە، ءوندىرىس ورنى مۇناي-گاز جانە ەنەرگەتيكا سالالارىنا ارنالعان جوعارى تەحنولوگيالىق جابدىقتار شىعارادى، سوندىقتان بۇل سالالاردا وتاندىق ماشينا جاساۋ ونىمدەرىنىڭ ۇلەسىن ارتتىرۋ ماڭىزدى.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

18:54

18:28

18:22

18:19

17:52

17:51

17:42

17:28

17:27

17:26

17:10

17:08

17:05

17:03

17:00

16:53

16:49

16:44

16:41

16:39

16:37

16:34

16:30

16:22

15:59