پرەزيدەنت وسىعان قاتىستى شۇعىل شارالار قابىلداۋدى تاپسىردى
پرەزيدەنت «ارسەلورميتتال تەمىرتاۋ» اق سەحىندا قازا بولعان جۇمىسشىلاردىڭ جاقىندارى مەن تۋىستارىنا كوڭىل ايتتى. بۇل تۋرالى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ حابارلايدى.
قاسىم-جومارت توقايەۆ قاراعاندى وبلىسىندا قازا بولعان جۇمىسشىلاردىڭ جاقىندارى مەن تۋىستارىنا كوڭىل ايتۋ جەدەلحاتىن جولدادى.
«ارسەلورميتتال تەمىرتاۋ» اكسيونەرلىك قوعامىنىڭ سەحىندا بولعان اپات سالدارىنان قازاعا ۇشىراعان جۇمىسشىلاردىڭ وتباسىلارى مەن تۋعان-تۋىستارىنىڭ قايعىسىنا ورتاقتاسىپ، كوڭىل ايتامىن. زارداپ شەككەن ازاماتتاردىڭ تەزىرەك ساۋىعىپ كەتۋىن تىلەيمىن. ۇكىمەتكە جانە قاراعاندى وبلىسىنىڭ اكىمىنە قايعىلى وقيعانىڭ سەبەپتەرى مەن ءمان-جايىن انىقتاۋ ءۇشىن شۇعىل شارالار قابىلداۋدى جانە قازا تاپقاندار مەن زارداپ شەككەندەردىڭ وتباسىلارىنا كومەك كورسەتۋدى تاپسىردىم»، – دەپ جازىلعان مەملەكەت باسشىسىنىڭ جەدەلحاتىندا.