مارات احمەتجانوۆ اقمولا وبلىسىنىڭ الەۋمەتتىك-ەكونوميكالىق دامۋى، ءوڭىر ەكونوميكاسىنىڭ ءبىرقاتار سالاسىندا وڭ ناتيجەلەر بار ەكەنى تۋرالى مالىمەت بەردى، دەپ حابارلايدى اlmaty-akshamy.kz.
سونىمەن قاتار، نەگىزگى كاپيتالعا سالىنعان ينۆەستيسيا كولەمى 530 ميلليارد تەڭگەگە جەتكەنىن ءسوز ەتتى. ونىڭ ىشىندە جەكە ينۆەستيسيا 435 ميلليارد تەڭگەدەن اسقان. 154 جوبا ىسكە اسىرىلىپ، 1،5 مىڭ جۇمىس ورنى اشىلعان.
وبلىس اكىمى پرەزيدەنتكە شارۋالاردى قولداۋ جانە قايتا وڭدەلگەن ءونىم ۇلەسىن ارتتىرۋ شارالارى تۇراقتى تۇردە قابىلدانىپ جاتقانىن ايتتى. جىل باسىنان بەرى وسىمدىك مايى، وڭدەلگەن ەت، ءسۇت، ماي، ىرىمشىك جانە سۇزبە سياقتى ازىق-تۇلىك تۇرلەرىن ءوندىرۋ كورسەتكىشى وسكەنىن، ماكينسك قۇس فابريكاسىنىڭ 3-كەزەڭى ىسكە قوسىلعانىن جانە «اق-دالا اگرو» جاۋاپكەرشىلىگى شەكتەۋلى سەرىكتەستىگىنىڭ وندىرىستىك قۋاتى كەزەڭ-كەزەڭىمەن ارتىپ كەلەتىنىن حابارلادى. بۇل وبلىستىڭ قۇس ەتىن ءوندىرۋ بويىنشا ەلىمىزدە كوشباسشى وڭىرلەردىڭ بىرىنە اينالۋىنا مۇمكىندىك بەرگەن.
وبلىس باسشىسى جىلىتۋ ماۋسىمىنىڭ بارىسى تۋرالى باياندادى. بۇگىنگى كۇنى بارلىق كوممۋنالدىق قىزمەتتىڭ جۇمىسى قاتاڭ باقىلاۋعا الىنعانىن، كوكشەتاۋ جانە ستەپنوگورسك قالالارىنداعى نىساندار كەزەڭ-كەزەڭىمەن جاڭعىرتىلعانىن جەتكىزدى. كوكشەتاۋ قالاسىن دامىتۋعا قاتىستى باس جوسپاردىڭ جوباسى ازىرلەنگەنى تۋرالى اقپارات بەردى. بۇل جوبا قالانىڭ ەكولوگيالىق جانە ينفراقۇرىلىمدىق ماسەلەلەرىن شەشۋدى كوزدەيدى. حالىقتىڭ تۇرمىسىن جاقسارتۋعا جانە ىرگەلەس ميگراسيانى تومەندەتۋگە ىقپال ەتەتىن اگلومەراسيانى دامىتۋ جونىندەگى جاڭا كەشەندى جوسپاردىڭ جوباسىن تانىستىردى.
قاسىم-جومارت توقايەۆ ءوڭىردى ودان ءارى دامىتۋ، اۋىل شارۋاشىلىعى ونىمدەرىن تەرەڭ وڭدەۋ جوبالارىن ىسكە اسىرۋ، ينۆەستيسيا تارتۋ، سونداي-اق اقمولا وبلىسىنىڭ قالالارىن جىلۋمەن ۇزدىكسىز قامتاماسىز ەتۋ جونىندە ءبىرقاتار تاپسىرما بەردى.