مەملەكەت باسشىسى اقمولا وبلىسىنداعى ەگىن جيناۋ ناۋقانىمەن تانىستى

مەملەكەت باسشىسى اقمولا وبلىسىنداعى ەگىن جيناۋ ناۋقانىمەن تانىستى، - دەپ حابارلايدى اaqshamnews.kz ءتىلشىسى.

پرەزيدەنتكە بيىل وڭىردەگى ەگىس القابىنىڭ كولەمى 300 مىڭ گەكتارعا ۇلعايىپ، 5،5 ميلليون گەكتارعا جەتكەنى باياندالدى.

بولجام بويىنشا ايماقتاعى اگروقۇرىلىمدار 7 ميلليون توننادان استام ءداندى، 650 مىڭ توننادان اسا مايلى داقىل جيناماق. بۇگىنگە دەيىن 3،6 ميلليون توننا استىق باستىرىلدى. ورتا ەسەپپەن 1 گەكتار القاپتان 15،4 سەنتنەر ءونىم الىنعان. جينالعان ءونىمنىڭ ساپاسى جوعارى.

مەملەكەت باسشىسىنىڭ تاپسىرماسىنا سايكەس، وڭىردە مول ءونىم بەرەتىن مايلى داقىلدار القابىن ۇلعايتۋ جۇمىستارى جالعاسىپ جاتىر.

2023 جىلمەن سالىستىرعاندا مۇنداي ەگىستىك الاڭىنىڭ كولەمى 2،5 ەسە ارتىپ، 495 مىڭ گەكتارعا جەتكەن. 

وسىنداي كوپبەيىندى شارۋاشىلىقتاردىڭ ءبىرى – «زەرەندى ساقتاۋ ونىمدەرى» ج ش س.

كاسىپورىن ديرەكتورى ەربول جاۋاروۆتىڭ ايتۋىنشا، شارۋاشىلىق ءداندى جانە بۇرشاقتى داقىلداردى وسىرۋمەن، سيىر، جىلقى تۇقىمدارىن اسىلداندىرۋمەن اينالىسادى.

بۇدان بولەك، سەرىكتەستىكتىڭ قۋاتتىلىعى 2،5 مىڭ توننا بولاتىن ماي زاۋىتى، قۇس فابريكاسى مەن ديىرمەنى بار.