ەل ۇزدىكتەرى انىقتالدى.
4 جىلدا ءبىر وتەتىن بايراقتى باسەكەگە بارلىق ايماقتان 300-گە جۋىق قاتىسۋشى جينالدى. ولار 3 كۇن بويى ءوزارا سىنعا ءتۇستى. ناتيجەسىندە جالپى ەسەپتە شىعىس قازاقستان وبلىسىنىڭ قۇراماسى توپ باستادى. ولار 16 التىن، 4 كۇمىس جانە 5 قولا جەڭىپ الدى، دەپ حابارلايدى Almaty-akshamy.kz.
24.kz اقپاراتىنا ساي، ۇزدىك ۇشتىككە قاراعاندى مەن الماتىنىڭ كوماندالارى كىردى. اتاپ ايتار بولساق، 100 مەترگە جۇگىرۋدە ۆيتاليي زەمس پەن ولگا سافرونوۆا، 400 مەتردە ەفيم تاراسوۆ پەن الەكساندرا زالۋبوۆسكايا، ورتا جانە الىس قاشىقتىقتاردا راحىمجان كەلمانوۆ، سەرگەي سۋحوۆ، اقبايان نۇرمامەت سياقتىلار جەڭىمپاز اتاندى. سپارتاكيادا اياسىندا جۇگىرىستەن بولەك، كەدەرگىلەرمەن جۇگىرۋ، بيىكتىككە سەكىرۋ، ۇزىندىققا سەكىرۋ، ديسك لاقتىرۋ، نايزا لاقتىرۋ جانە سپورتتىق ءجۇرىس، سونىمەن قاتار جەتىسايىس پەن ونسايىس بويىنشا دا جارىستار ۇيىمداستىرىلدى.
«سپارتاكيادا قورىتىندىسى بويىنشا ۇلتتىق قۇراما جاساقتالادى. كەيىن ولار شىلدە ايىندا تايلاندتا وتەتىن ازيا چەمپيوناتىنا قاتىسادى. ارتىنشا كوپ ۇزاماي، ياعني 19 جانە 27 تامىز ارالىعىندا بۋداپەشتتە الەم چەمپيوناتى بولادى. جىلدىڭ قورىتىندى جانە ەڭ باستى جارىسى كۇزدە قىتايدا ۇيىمادستىرىلادى. ياعني، جازعى ازيا ويىندارىنا دا دايىندىقتى قازىردەن باستاپ پىسىقتايمىز»، - دەيدى جەڭىل اتلەتيكادان قازاقستان قۇراماسىنىڭ باس باپكەرى دميتريي كارپوۆ.