ەلىمىز گەپاتيتپەن كۇرەستە ورتا ازيادا كوش باستاپ تۇر - باس گەپاتولوگ

ددسۇ-نىڭ س ۆيرۋستىق گەپاتيتىن جويۋ بويىنشا جاھاندىق باعدارلاماسى بار

بۇل تۋرالى ەلىمىزدىڭ گەپاتولوگتارى مەن گاستروەنتەرولوگتارىنىڭ V ۇلتتىق كونگرەسىندە دسم باس شتاتتان تىس گاستروەنتەرولوگ-گەپاتولوگ دارىگەرى كۇلپاش قالياسقاروۆا مالىمدەدى، دەپ حابارلايدى Almaty-akshamy.kz Baq.kz-ke سىلتەمە جاساپ.

الەمدىك ستاتيستيكا كورسەتىپ وتىرعانداي، حالىق اراسىندا باۋىر اۋرۋىنىڭ تارالۋى ءولىم-جىتىم سەبەپتەرىنىڭ وندىعىنا كىرەدى. ونىڭ ىشىندە، اسقازان-ىشەك جولدارى اۋرۋلارىنىڭ قۇرىلىمىندا باۋىر اۋرۋلارىنان ادامدار كوپ قايتىس بولادى. اتاپ ايتساق، سيرروز ءبىرىنشى ورىندا تۇر. باۋىر سيرروزىنا ۆيرۋستىق گەپاتيت، باۋىردىڭ الكوگولدىك جانە الكوگولدىك ەمەس مايمەن زاقىمدانۋى، سونداي-اق اۋتويممۋندى جانە مەتابوليزمدىك اۋرۋلار سەبەپ بولادى، - دەپ اتاپ ءوتتى شتاتتان تىس گاستروەنتەرولوگ-گەپاتولوگ.

ايتۋىنشا، ددسۇ قولعا العان شارالار الداعى ون جىل ىشىندە جەر بەتىندە گەپاتيتتى ايتارلىقتاي ازايتادى. 

ددسۇ-نىڭ س ۆيرۋستىق گەپاتيتىن جويۋ بويىنشا جاھاندىق باعدارلاماسى 2030 جىلعا قاراي الەمدە گەپاتيتتىڭ اتالعان ءتۇرىن 90%-عا دەيىن ازايتۋى ءتيىس. قازاقستان ورتا ازيا مەن تمد كەڭىستىگىندە ۆيرۋستىق گەپاتيتپەن كۇرەستە كوش باستاپ تۇر. ءبىزدىڭ بارلىق پاسيەنتتەرىمىز تەگىن كەپىلدەندىرىلگەن مەديسينالىق كومەك كولەمى ارقىلى ۆيرۋسقا قارسى پرەپاراتتارمەن قامتىلعان، - دەدى كۇلپاش قالياسقاروۆا.