وتتان قورعانعان ءۇش ادام ءۇشىنشى قاباتتان سەكىرىپ كەتكەن.
تاراز قالاسىنداعى مەكتەپتە بولعان جارىلىستى تۋرالى اقپاراتتى الدىمەن جەرگىلىكتى جۋرناليست نۋرادين راقاي تاراتتى، دەپ حابارلايدى Almaty-akshamy.kz inbusiness.kz-كە سىلتەمە جاساپ.
ءۇش ادام وتتان قورعانىپ، 3 قاباتتان سەكىرىپ كەتكەن. ەكى ادام ۋلانىپ قالعان.
"سىرلايتىن بوياۋ اتىلىپ كەتتى دەگەن اڭگىمە تاراپ جاتىر. وقيعا تۇنگى شونا سماحان ۇلى اتىنداعى 44 مەكتەپتە ساعات ون ەكى شاماسىندا بولعان. جالپى تاراز قالاسىندا جەتى مەكتەپ جاڭا وقۋ جىلىندا بىتپەي قالعان ەدى. قۇرىلىسى كەشىككەن مەكتەپتەردىڭ ءبىرى وسى. بۇل جەردەگى مەكتەپتىڭ بالالارى ءقازىر ءۇش مەكتەپكە قاتىناپ وقيدى. جارىلىس ءبىر قىزىعى تۇنگى ساعات ون ەكىدە بولعان. وسى جەردە جۇرگەن جاس قىزدار جالىننان قورعانىپ، ءۇشىنشى قاباتتان سەكىرگەن. ولار جانساقتاۋ بولىمىندە جاتىر. 12 مەتردەن بيىكتىكتەن سەكىرگەن، سۇيەگى سىنعان. بەل ومىرتقاسى، جامباسى سىنعان"، - دەدى جۋرناليست.