Air Astana اۋەكومپانياسى ازەربايجاننىڭ قاراباقتا باستاعان وپەراسياسىنا قاتىستى ۇندەۋ جاريالادى، - دەپ حابارلايدى Almaty-akshamy.kz Tengritravel.kz-كە سىلتەمە جاساپ.
اۋەتاسىمالداۋشىلار Air Astana جانە Fly Arystan ارمەنيا مەن ازەربايجان اراسىنداعى شەكارانى اينالىپ ۇشا باستادى.
"تاۋلى قاراباقتاعى تۇراقسىز جاعدايعا بايلانىستى "ەير استانا" كومپانيالارى توبىنىڭ تۇركياعا، ەۋروپاعا جانە يزرايلگە رەيستەر سول اۋماقتى ايلانىپ جۇزەگە اسىرىلادى. اۋە كومپانياسى جاعدايدى ءجىتى قاداعالاپ، ۇشۋ قاۋىپسىزدىگىنىڭ بارلىق شارالارىن قابىلداۋدا"، - دەلىنگەن حابارلامادا.
تاسىمالداۋشىنىڭ ايتۋىنشا، ولار جاعدايدى باقىلاپ وتىر جانە ۇشۋ قاۋىپسىزدىگىن قامتاماسىز ەتۋ ماقساتىندا بارلىق شارالاردى قابىلدايدى.
ايتا كەتەيىك، ازەربايجان قاراباقتا تەرروريزمگە قارسى ءىس شارالار باستالعانىن مالىمدەدى. نيكول پاشينيان ءوز تاراپىنان ازەربايجانمەن اسكەري ارەكەتتەردى باستاۋعا مۇددەلى ەمەستىگىن ايتقان.
ارمەنيادا، ەريەۆان ورتالىعىندا، قاراباقتاعى جاعدايعا بايلانىستى انتيۇكىمەتتىك ميتينگ باستالدى.