الماتى قالاسىنىڭ ەكولوگيا جانە قورشاعان ورتا باسقارماسى «جاسىل اۋلا» ناۋقانىنىڭ باستالعاندىعىن حابارلايدى، دەپ حابارلايدى Almaty-akshamy.kz
20 قىركۇيەكتەن باستاپ قالا تۇرعىندارىنان كوپقاباتتى ۇيلەردىڭ اۋلاسى مەن قوعامدىق كەڭىستىكتەردى كوگالداندىرۋ ءۇشىن جاپىراقتى كوشەتتەردى الۋعا وتىنىمدەر قابىلدانادى. كوشەتتەر تەگىن بەرىلەدى.
ناۋقان اياسىندا ءبىر ادامعا 20-عا دەيىن كوشەت بولىنەدى، بۇل رەتتە ءوتىنىش بەرۋشى وتىرعىزىلعان اعاشتاردى الداعى ءۇش جىل بويى كۇتىپ-باپتاۋ تۋرالى كەپىلدى مىندەتتەمەگە قول قويۋى ءتيىس.
وتىنىمدەردى قابىلداۋ 2023 جىلعى قازاننىڭ 1-نە دەيىن جالعاسادى. كورسەتىلگەن ۋاقىتتان كەيىن جولدانعان وتىنىشتەر قابىلدانبايدى.
قاتىسۋ ءۇشىن Jasyl.aula.almaty@gmail.com ەلەكتروندى پوشتاسىنا كەلەسى مالىمەتتەردى جولداۋ قاجەت:
1. قاتىسۋشىنىڭ ءاتى-جونى مەن تەلەفون ءنومىرى، اعاش وتىرعىزىلاتىن ورىننىڭ ناقتى مەكەنجايى؛
2. اعاش وتىرعىزىلاتىن ورىننىڭ فوتوسى (ماماندارعا ورىندى تولىقتاي باعالاۋعا مۇمكىندىك بولۋى ءۇشىن پانورامالىق فورماتتا بولعانى ءجون)؛
3. سۇرالىپ وتىرعان كوشەت سانى.
كوشەتتەردى تاراتۋ الماتى ق.، اۋەزوۆ اۋدانى، يۋريي كيم ك-سى، 9 («Eco Almaty» ج ش س) مەكەنجايىندا 2023 جىلدىڭ 7، 8، 14، 15 قازانىنان باستاپ جوسپارلانعان. وتىرعىزىلعان كوشەتتەردىڭ فوتو ەسەبىن جىبەرۋ قاجەت.
قوسىمشا اقپارات الۋ ءۇشىن الماتى قالاسىنىڭ ەكولوگيا جانە قورشاعان ورتا باسقارماسىنىڭ جاسىل قوردى باسقارۋ جانە مونيتورينگ بولىمىنە بايلانىس ءنومىرى بويىنشا حابارلاسۋعا بولادى: +7707 724 9697