«مەكتەپكە جول» اكسياسى ۇيىمداستىرىلدى

اكسيا ۇيىمداستىرىلدى

تامىز ايىن قايىرىمدىلىق ايى دەسەك، ارتىق ايتپاعانىمىز بولار. نەگە دەسەڭىز، وسىدان تۋرا 11 جىل بۇرىن «مەكتەپكە جول» باعدارلاماسى باستاۋ الىپ، ءار ايماقتىڭ قالتالى ازاماتتارى، قايىرىمدى جۇرەك يەلەرى دەمەۋشىلىك جاسايدى. وقۋ جىلىنىڭ الدىندا 30 كۇن بويى الەۋمەتتىك جاعىنان از قامتىلعان جانە كوپ بالالى وتباسىلارعا كومەك كورسەتىلەدى. قازىرگى نارىقتا بارلىعى قىمباتتاپ جاتقان زاماندا بالانى مەكتەپكە دايىنداۋ وڭاي شارۋا ەمەس ەكەنى انىق. وسى ورايدا تاۋەلسىزدىكدىڭ 30 جىلدىعىنا بايلانىستى ناۋرىزباي اۋدانىندا «مەكتەپكە جول» اكسياسى ۇيىمداستىرىلدى. اتالمىش شاراعا اۋداندىق ءماسليحات دەپۋتاتى تابىلدينوۆ ەسەن، Nur Otan پارتياسىنىڭ مۇشەلەرى، بيزنەسمەندەر قاتىسىپ، 40-دەن استام بالاعا مەكتەپ فورمالارى، جاڭا سومكەلەر تابىستالدى.

«جالپى، بۇل اكسيا 2002 جىلدان بەرى قولعا الىنعان. جىل سايىن اۋدانىمىزدىڭ دەمەۋشىلەرى كەمىندە 10-15 بالاعا كومەك كورسەتۋدە. بيىل دا اكسيا جوعارى دەڭگەيدە ءوتىپ جاتىر. قۋانعان اتا-انالار مەن بالالاردىڭ جارقىن كۇلكىسى ءبىزدىڭ ەت جۇرەگىمىزدى ەلجىرەتىپ، الداعى ۋاقىتتا دا وسىنداي ءىس-شارالار ۇيمداستىرۋعا كۇش-جىگەر بەردى»،–دەدى ءماسليحات دەپۋتاتى تابىلدينوۆ ەسەن.

ەسكە سالا كەتسەك، يگى باستاما قىركۇيەك ايىنىڭ 30-نا دەيىن جالعاسادى. اكسيا بارىسىندا كومەككە مۇقتاج اتا-انالاردان وتىنىشتەر قابىلداناتىن بولادى. سول سەبەپتى كومەك بەرىلەتىن بالالاردىڭ سانى ارتۋى دا مۇمكىن.