«دiني الاۋىزدىق» دەگەن ۇعىم قازاق دالاسىندا كۇنi كەشەگە دەيiن بولماعان. وكiنiشكە قاراي، سوڭعى جىلداردا اسىل دiنiمiزدi جەككورiنiشتi ەتiپ كورسەتەتiندەر جان-جاقتان بوي كوتەرە باستادى. كۇنى كەشەگە دەيiن بار قازاق بiر دiندi، بiر ءمازھابتى ۇستانىپ كەلدi. سەنiمi دە، ماقسات-مۇددەسi دە بiر بولعان. ەندi بۇگiن الەمدە ءتۇرلi مۇددەلەر – جات پيعىلدى اعىمدار كوبەيىپ، دiنiمiزگە ءارتۇرلى جامان اتاۋلار تاڭىلۋدا. جات نيەتتى اعىم قاراپايىم حالىقتى سوناۋ اتا-بابادان جالعاسىپ كەلە جاتقان دىنىنەن ۇركىتىپ-شوشىتۋ ماقساتىندا قانشاما ايلا-شارعىلارىن جاساۋمەن الەك. حاق يسلامنىڭ اتىن جامىلعان اعىمدار اشىق تا، جاسىرىن دا ەل ىشىندە تەرىس باعىتتا قىزمەت جاساۋدا. اسىرەسە، قازاقتىڭ دۇنيەتانىمىنا ساي كەلەتىن حانافي ءمازھابىن مويىنداماي، جوققا شىعارعىسى كەلەتىندەردىڭ ارەكەتى بايقالادى. ال، سونداي تەرىس نيەتتى اعىمداردىڭ شىرماۋىنا تۇسكەن باۋىرلارىمىز حاق ءدىن مەن اعىمنىڭ اراسىن اجىراتا الماي دال. جات اعىم وكىلدەرى قاراپايىم حالىقتى قالاي الداپ-اربايدى؟ ونىڭ باستى دەگەن امال-تاسىلدەرى قانداي ەكەنىنە توقتالا كەتەيىك.
- كەز كەلگەن «ءدىني اعىم» توپقا جاڭا قوسىلعان ادامدى، ەڭ الدىمەن پسيحولوگيالىق قىسىمعا الادى. وزدەرىنەن باسقانىڭ ءبارىن اداسقان ساناتىنا قويىپ، ساناسىن ۋلايدى.
- ءوز ورتالارىنا ەرەكشە ءبىر قامقورلىققا العانداي سىڭاي تانىتىپ، شىنايى ءبىر جاناشىرىنداي كورىنەدى. ۇنەمى وعان كوڭىل بولەدى، بۇل نارسە «اعىمعا جاڭا قوسىلعان ادامنىڭ» جانىنا جاعىمدى بولادى. وسىدان، ءدىني تۇسىنىگى تاياز، الدانعان ادام، ءدىنى مەن داستۇرىنە قارسى شىعىپ، ءوز وتانىنا، اتا-انا، اعايىن-تۋىس، قورشاعان ورتاسىنا دەگەن وشپەندىلىكتى وياتادى.
- ءداستۇرلى ەمەس ءدىني اعىم وكىلدەرى قورشاعان ورتاسىنان ىرگەسىن اۋلاق سالىپ، قوعامنان بولەكتەنە باستايدى. ءوز ارالارىنداعى «ۇستازعا» تاۋەلدى بولىپ قالادى. دەمەك، وسىدان كەيىن «پەرىشتە ۇستازدان» وزگە جاننىڭ ءسوزىن قۇلاققا ءىلۋ، وسىعان دەيىنگى ۋاقىتتا ءومىر سۇرگەن ورتانىڭ سالتىمەن ساناسۋدىڭ قاجەتتىلىگى كورىنبەي كەتەدى.
- ادامنىڭ ويلاۋ قابىلەتىن تەجەيتىن تاسىلدەردى قولدانادى. ماسەلەن، «شەكتەۋلى بولعان ۇستازداردىڭ» ءبىر سارىندى ۋاعىزىن عانا تىڭداتۋ. بۇل ادام پسيحولوگياسىن تاۋەلدىلىككە اكەلىپ سوقتىرادى. «تىڭدارمان» ءوزىنىڭ بۇرىنعى وتباسىنان العان تالىم-تاربيە، قادىر-قاسيەتتەرىن ءبىر ساتتە جوققا شىعارىپ، ءوزى تۇسكەن اعىمعا ۇنامدى بەينەنى قابىلداپ الادى. مۇنىڭ سوڭى بولىنۋدەن باسقا ەشنارسەگە الىپ بارماسى انىق.
ەل بىرلىگى مەن مەملەكەت قاۋىپسىزدىگىنە زيان كەلتىرەتىن اعىمداردىڭ جەتەگىنە كەتىپ قالماۋ شارالارىنا بارشامىز اتسالىسۋىمىز قاجەت. ءدىني ءبىلىم الىپ نە ءبىر ءدىني ماسەلەگە تاپ بولعان ساتتە اركىمگە جۇگىنبەي، ارنايى «ءدىن ماماندارىنان» كەڭەس سۇراعانىمىز ابزال. اسىرەسە، اتا-انالار بالاعا ءدىن ماسەلەسىندە دۇرىس باعىت سىلتەپ، مەشىت قابىرعاسىنان ساۋات اشۋعا كەڭەس بەرگەنى ءجون دەر ەدىم. ەگەر اتا-انا بالاعا يماندىلىق تاقىرىبىندا دۇرىس تاربيە بەرىپ، وڭدى باعىت-باعدار كورسەتە الماسا، جات اعىم وكىلدەرى ونى ءوز مۇددەسىنە پايدالانىپ كەتۋى ابدەن مۇمكىن.